मुंबई : बॉलिवूडमध्ये नवनवीन चित्रपट येत आहेत आणि दिवसेंदिवस शर्यतह वाढतेय. पण गेल्या वर्षांपासून सिनेमांना टक्कर देणारा प्लॅटफॉर्म आला तो म्हणजे वेब सिरिज. वेब सिरिजमधून अनेक यंग कलाकारांना संधी मिळाली आणि त्यातून सेलिब्रिटीही बनले. वेब सिरिजमध्ये टॉपला असलेली एक मराठमोळी सेलिब्रिटी म्हणजे मिथिला पालकर. नुकाताच तिने इन्स्टाग्रामवर एक फोटो अपलोड केला आणि इंटरनेटवर धुमाकुळ झाला आहे. पाहा तिचा नवा फोटो. 

मिथिलाने नुकताच साडीमधला एक फोटो शेअर केला आणि तो व्हायरलही होतोय. मिथिला तिच्या साडीमधील लुकचे अनेकदा फोटो शेअर करते. मिथिला पालकर हे नाव आता इंटरनेट आणि घराघरात पोहोचलं आहे. वेब सिरिजमधून ती फेमस झाली. त्यानंतर मराठीमध्येही तीने अनेक सिनेमे केले. 'माझा हनिमून' हा पहिल मराठी सिनेमा तिने केला. अभिनेता अमेय वाघ, सचिन खेडेकर, चिन्मयी सुमित असा दमदार कलाकारांसोबत तिने 'मुरांबा' हा चित्रपट केला.  

2015 मध्ये कंगणा आणि इमरान खान यांच्यासोबत 'कट्टी बट्टी' हा सिनेमा तिने केला. हिंदीत 2018 मध्ये इरफान खानसोबत 'कारवां' हा सिनेमा केला. 2019 मध्ये नेटफ्लिक्सचा 'चॉपस्टिक्स' हा सिनेमा अभय देओलसोबत मिथीलाने काम केलं.

'गर्ल इन द सिटी' आणि 'लिटल थिंग्स' या दोन वेब सिरिजमधून तिने काम केलं. या दोन्ही सिरिजने लोकांना अक्षरश: वेड लावले. तिच्या सरळ, साध्या आणि सहज अभिनयाने सर्वांनाच भूरळ घातली. 

मिथिला सोशल मीडियावर सतत अॅक्टीव असते आणि चाहत्यांशी संवादही साधते. ती इंटरनेट सेंसेशन आहे. मिथिला क्युट आणि दिसायला अतिशय सुंदर आहे त्यामुळे तिचे अऩेक चाहते आहेत. तिच्या कुरळ्या केसांचही चाहत्यांना विशेष आकर्षण आहे. त्यातच तिने साडीमध्ये फोटो टाकला की तो व्हायरल होतोच. तिच्या साडीमधल्या लुकवर नेटकरी घायाळ होतात !