'वाय' या मराठी चित्रपटाच्या विशेष स्क्रिनिंगसाठी सध्या मुक्ता बर्वे (Mukta Barve), प्राजक्ता माळी, नंदू माधव यांची टीम दौऱ्यावर आहे. दिल्लीनंतर हरियाणात चित्रपटाचे विशेष स्क्रिनिंग करण्यात आले. टीमने हरियाणाचे मुख्यमंत्री मनोहरलाल खट्टर यांची भेट घेतली. याबाबत अभिनेत्री प्राजक्ता माळी (Prajakta Mali) यांनी इन्स्टाग्रामवर छायाचित्रे शेअर करुन एक पोस्ट लिहिली आहे. प्राजक्ता म्हणते, दिल्लीनंतर आम्ही विशेष स्क्रिनिंगसाठी आम्ही 'वाय' चित्रपट (Y Film) हरियाणातील चंदीगडमध्ये होतो. (Mukta Barve And Prajkata Mali In Haryana For Y Marathi Film Special Screening)

टीमने आदरणीय हरियाणाच्या मुख्यमंत्र्यांची भेट घेतली. आनंद वाटते की चित्रपट महाराष्ट्राबाहेरील प्रेक्षकांपर्यंत पोहोचत आहे. हो चित्रपटातील विषय हा अखिल भारतीय आहे, असे प्राजक्ता म्हणते.

'वाय' चित्रपटाची पटकथा

वाय या चित्रपटात स्त्रीभ्रूण हत्या आणि स्त्री-पुरुष असमानतेवर भाष्य करण्यात आले आहे. यात संवेदनशील डाॅक्टर म्हणून आरती देशमुखची भूमिका मुक्ता बर्वे करताना दाखवण्यात आली आहे. तिच्याबरोबर प्राजक्ता माळी, नंदू माधव, सुहास शिरसाठ आणि संदीप पाठक यांचीही भूमिका आहे. चित्रपटाचे दिग्दर्शन अजित वाडीकर यांनी केले आहे.