मुंबई : 'टोटल धमाल'चे ट्रेलर गाजवल्यानंतर आता या चित्रपटातील 'मुंगडा' हे गाणे आज प्रदर्शित झाले आहे. अक्षय कुमारने हे गाणे ट्विट करत शेअर केले आहे. या गाण्यात अभिनेत्री सोनाक्षी सिन्हा आपल्या हटके डान्सने सगळ्यांना घायाळ करताना दिसत आहे. तसेच तिच्यासह अजय देवगण ही या गाण्यात दिसत आहे. जुन्या 'मुंगडा'च्या धरतीवरच हे गाणे शूट करण्यात आले आहे.

तगड्या स्टारकास्टसह समोर आलेल्या या 'टोटल धमाल'च्या ट्रेलरलाही चांगलाच प्रतिसाद मिळाला. 'मुंगडा' हे गाणे ज्योतिका तंग्री, शान आणि शुभ्रो गांगुली यांनी  गायले आहे, तर गौरव-रोशीन या जोडीने ते पुन्हा संगीतबद्ध केले आहे. 'टोटल धमाल'मध्ये माधुरी दीक्षित, अनिल कपूर, रितेश देशमुख, अर्शद वारसी, जावेद जाफ्री, जॉनी लिव्हर अशी तगडी स्टारकास्ट असून आता हा चित्रपट कसा असेल याकडे चाहत्यांचे लक्ष लागले आहे.