मुंबई - अभिनेत्री निया शर्मा तिच्या हटकेपणासाठी प्रसिध्द आहे. त्यामुळे तिची सगळीकडे चर्चा असते. गेल्या काही दिवसांपूर्वी दादासाहेब फाळके पुरस्कार सोहळ्यात गेलेल्या नियानं आपल्या एका सहका-याच्या विरोधात एक बोल्ड स्टेटमेंट केले होते. त्यामुळे ती पुन्हा एकदा चर्चेत आली होती. आताही नियानं असचं काहीसं केलं आहे की ज्यामुळे ती सर्वांचे लक्ष वेधून घेणारी ठरली आहे. सध्या तिचा एक व्हिडिओ सोशल मीडियावर व्हायरल झाला असून त्यात तिनं फुल्ल टू धमाल केली आहे. भररात्रीच्या वेळी तिनं रस्त्यावर उतरुन तिनं डान्स करायला सुरुवात केली होती. त्यात ती तिच्या आणखी एका सहका-यासह नाचताना दिसत आहे.

व्हिडिओमध्ये निया आणि तिची मैत्रीण ब्लॅक कलरच्या आऊटफिटमध्ये नाचताना दिसत आहे. त्या दोघींच्या ग्लॅमरस लुकला चाहत्यांनी मोठ्या प्रमाणात लाईक्स केले आहे. त्याच्यावर कमेंट केली आहे. नियाचा सोशल मीडियावर मोठा चाहता वर्ग आहे. त्या व्हिडिओमध्ये आपल्याला पाहायला मिळते की त्या दोघीजणी एका इंग्लिश गाण्यावर डान्स करत आहे. तसेच त्या व्हिडिओमध्ये रस्त्याच्या दोन्ही बाजूला स्ट्रीट लॅम्प सुरु आहे. गाडी पार्क करुन त्याच्यासमोर त्या दोघींनी डान्स करायला सुरुवात केली आहे.

त्या व्हिडिओमध्ये निया सुंदर दिसत आहे. व्हि़डिओच्या सुरुवातीला निया कॅटवॉक करताना दिसून येते. त्यानंतर तिनं आपल्या घायाळ अदांनी सर्वांना भुरळ घातली आहे. नियाचे वेगवेगळे व्हिडिओ आणि तिच्या फोटोशुटला मिळणारा प्रतिसाद मोठा आहे. आपल्या चाहत्यांचे पुरेपुर मनोरंजन करण्यात ती नेहमी अग्रेसर असते.

यापूर्वीही तिनं एका स्विमिंग पुलच्या किनारी अर्ध्या रात्री फोटोशुट केले होते. त्याच्या व्हिडिओलाही मोठ्या प्रमाणात लाईक्स आणि कमेंटस मिळाल्या होत्या. तो व्हिडिओ अजूनही तिच्या चाहत्यांमध्ये लोकप्रिय आहे.