Nana Patekar Bollywood Actor Trolled Social media : बॉलीवूडमध्ये आपल्या परखड भूमिका आणि रागीट स्वभावासाठी ओळखल्या जाणाऱ्या सेलिब्रेटींमध्ये पहिलं नाव नाना पाटेकर यांचे येते. त्यामुळेच की काय अनेक प्रसिद्ध दिग्दर्शक नानांसोबत काम करताना किंवा त्यांना चित्रपटासाठी साईन करताना दहावेळा विचार करताता. याविषयी द काश्मिर फाईल्सचे दिग्दर्शक विवेक अग्निहोत्री यांनी देखील त्यांच्या द व्हॅक्सीन वॉरचा तो अनुभव शेयर केला होता.

नाना पाटेकर यांच्या अभिनयाविषयी वेगळं काही सांगण्याची गरज नाही. समोर कितीही मोठा अभिनेता का असेना नाना पाटेकर जेव्हा स्क्रिनवर येतात तेव्हा ते लक्ष वेधून घेताना दिसतात. नानांच्या अभिनयाची जादू काय आहे हे त्यावेळी दिसून येते. काही दिवसांपूर्वी त्यांचा द व्हॅक्सीन वॉर नावाचा चित्रपट प्रदर्शित झाला होता. भलेही या चित्रपटानं बॉक्स ऑफिसवर प्रभावी कामगिरी करु शकला नसला तरी नानांच्या अभिनयाचे अनेकांनी कौतुक केले आहे.

इतक्या लहान मुलांना फटाके वाजवायचे नसतात हे कसं समजवायचं?

सध्या नाना सोशल मीडियावर ट्रेडिंगचा विषय आहे. ते ट्रोल झाले आहेत. त्याला कारणही तसेच आहे. नानांनी त्यांच्या एका चाहत्याला फटकावल्याचे दिसून आले आहे. त्या व्हायरल झालेल्या व्हिडिओनं वेगवेगळ्या चर्चेला उधाण आले आहे. तो चाहता नानांसोबत फोटो काढण्यासाठी पुढे येतो तेवढ्यात नाना त्याच्या डोक्यात मारुन त्याला तिथून पिटाळून लावतात. हा व्हिडिओ सोशल मीडियावर वेगानं व्हायरल झाला असून नेटकऱ्यांनी मात्र नानांना ट्रोल केले आहे.

एका युझर्सनं म्हटले आहे की, नाना तुम्ही मोठे कलाकार आहात पण आपल्या चाहत्यासोबत वागण्याची ही कोणती पद्धत, दुसऱ्यानं म्हटले आहे की, नानांचा राग असाच आहे चाहत्यांनाही नाना काही सोडत नाही. आणखी एका युझर्सनं म्हटले आहे की, नाना आम्ही तुम्हाला देशातील मोठ्या कलाकारांपैकी एक मानतो, पण याचा अर्थ असा नाही की, तुम्ही चाहत्यांना मारहाण करायची. यामुळे नानांवर नेटकऱ्यांनी तोंडसुख घेतले आहे.

नाना हे नेहमीच त्यांच्या आक्रमक स्वभावासाठी ओळखले गेले आहे. आपल्याला एखादी गोष्ट आवडली नाही किंवा पटली नाहीतर त्यावर सणसणीत प्रतिक्रिया देऊन ते मोकळे होतात. त्यानंतर त्यांना नेटकऱ्यांनी ट्रोल केले किंवा दोष दिला याचा फारसा फरक नानांच्या व्यक्तिमत्वावर पडत नाही हे अनेकदा त्यांच्याच प्रतिक्रियांमधून दिसून आले आहे. एरवी आपल्या हळव्या आणि संवेदनशील मनानं प्रेक्षकांना, चाहत्यांना जिंकून घेतले आहे. अशातच त्यांच्या व्हायरल झालेल्या त्या व्हिडिओनं मात्र वेगळ्याच चर्चेला सुरुवात झाली आहे.

सुत्रांनी दिलेल्या माहितीनुसार, नाना पाटेकर हे सध्या प्रसिद्ध दिग्दर्शक अनिल शर्मा यांच्या चित्रपटाच्या चित्रिकरणात व्यस्त आहे. शर्मा यांचा गदर २ नावाचा चित्रपट ऑगस्टमध्ये प्रदर्शित झाला होता. सनी देओल, अमिषा पटेल आणि उत्कर्ष शर्मा यांच्या या चित्रपटानं बॉक्स ऑफिसवर सातशे कोटींपेक्षा अधिक कमाई करुन वेगळा विक्रम केला होता. याच शर्मा यांच्या आगामी जर्नी नावाच्या चित्रपटामध्ये नाना महत्वाच्या भूमिकेत दिसणार आहे.