Naseeruddin Shah news: प्रसिद्ध अभिनेता नसिरुद्धीन शहा हे नेहमीच त्यांच्या परखड वक्तव्यासाठी ओळखले गेलेले सेलिब्रेटी आहेत. आपल्या वक्तव्यामुळे त्यांना अनेकदा ट्रोलही व्हावे लागले आहे. कुणाची पर्वा न (Naseeruddin Shah latest news) करता बिनधास्त आपल्या परखडपणाचा प्रत्यय त्यांनी करुन दिला आहे.

आता त्यांनी बॉलीवूड आणि बॉलीवूडचे चित्रपट निर्माते यांच्यावर (Naseeruddin Shah on bollywood) आगपाखड केली आहे. आपण हिंदी चित्रपट पाहणे बंद केल्याचे त्यांनी म्हटले आहे. येत्या काळात त्यांचा डिझ्नी हॉटस्टार वर शोटाईम नावाच्या सीरिजमध्ये ते दिसणार आहेत. त्याच्या एका इव्हेंटमध्ये ते सहभागी झाले होते. त्यात त्यांनी केलेलं वक्तव्य चर्चेत आलं आहे.

मी हिंदी चित्रपट पाहणे बंद केलं आहे...

शहा म्हणाले की, मला खूप वाईट वाटते जेव्हा तुम्ही म्हणता की, हिंदी (Bollywood Latest news) सिनेमाला शंभर वर्ष पूर्ण झाल्याचा गर्व वाटतो. मात्र एक गोष्ट आपल्या लक्षात येत नाही ती म्हणजे आपण गेल्या कित्येक वर्षांपासून त्याच त्याच प्रकारचे चित्रपट तयार करत आहोत. त्यामुळे मी आता हिंदी चित्रपट पाहणे बंद केले आहे. मला ते चित्रपट अजिबात आवडत नाहीत.

लोकं जर त्याच प्रकारचे चित्रपट पाहणार असतील तर मला नाही वाटत त्यावर काही मार्ग निघेल. त्यामुळे जे कुणी गंभीर विषयावर चित्रपट तयार करत असतील त्यांनी यापुढील काळात आपल्यासमोर कोणती आव्हानं आहेत याचा विचार करण्याची गरज आहे. त्यांनी आपल्या चित्रपटातून सत्य दाखवण्याचा प्रयत्न केला पाहिजे.

नसिरुद्धीन शहा यांनी त्यांच्या शैलीत सांगितलं की, मला माहिती आहे मी असे काही रोखठोकपणे बोललो की, लोकं माझ्याविरोधात कोणता तरी फतवा जाहीर करतील. नाही तर माझ्याविरोधात ईडीची चौकशी सुरु करतील. अशा अंदाजात त्यांनी त्यांच्या भावना व्यक्त केल्या आहेत. नसिरुद्धीन शहा यांच्या आगामी प्रोजेक्टविषयी बोलायचे झाल्यास त्यांचा २०२३ मध्ये कुत्ते, ताज, सास बहू और फ्लेमिंगो सारखे प्रोजेक्ट समोर आले होते. त्याला प्रेक्षकांचा मोठा प्रतिसाद देखील मिळाला होता.

गेल्या काही दिवसांत नसिरुद्दीन शहा यांच्या वेबसीरिजमधील परफॉर्मन्सचे कौतुक होताना दिसत आहे. आगामी काळात ते वेगळ्या भूमिकेतून प्रेक्षकांचे मनोरंजन करणार असल्याचे सांगण्यात येत आहे.