Navratri 'Garbo' Song: देशाचे पंतप्रधान नरेंद्र मोदी हे नेहमीच आपल्या वेगवेगळ्या कौशल्याने सर्वांना आश्चर्यचकित करत असतात. आता त्यांनी गीत लेखनात आपला हात आजमावला आहे. होय, पंतप्रधान नरेंद्र मोदी यांनी एक गरबा गाणे लिहिले आहे.

गुजरातमध्ये नवरात्रीला वेगळचं महत्व आहे. गुजरातमध्ये नवरात्रीचा उत्सव मोठ्या थाटामाटात साजरा केला जातो आणि गरबा खेळण्याची परंपरा जपली जाते. हाच गुजरातच्या संस्कृतीचा अभिमान आणि वारसा नरेंद्र मोदी यांनी लिहिलेल्या गाण्यातुन सांगण्यात आला आहे.

पीएम मोदींनी नवरात्रीच्या निमित्ताने हे गरबा गाणे लिहिले आहे. तर या गाण्याला आवाज दिलाय तो लोकप्रिय गायिका ध्वनी भानुशाली तर सुर दिले आहेत तनिष्क बागचीचे.

'गारबो' या गाण्याची निर्माती जॅकी भगनानीने केली आहेत. हे गाणे यूट्यूबवर रिलीज करण्यात आले आहे. हे गाणे रिलिज करताना यूट्यूब चॅनलने लिहिले की, 'पीएम मोदींनी लिहिलेल्या गाण्यासोबत 'गारबो'मध्ये पहिल्यांदाच तनिष्क बागचीच्या सूर आणि ध्वनी भानुशालीच्या आवाजाची जादू पाहायला मिळणार आहे.

नदीम शाह यांनी गाण्याचे दिग्दर्शन केले आहे. तर तुमची टीम , तुमचा दांडिया आणि घागरा तयार करा आणि 'गारबो' गाण्याचा आनंद घ्या.'

पंतप्रधानांनी लिहिलेले हे गाणे नवरात्रीच्या सणाबद्दल सांगते, जे विविध राज्यांतील लोकांना त्यांची संस्कृती आणि परंपरा आत्मसात करून एकत्र आणते.

जॅकी भागवानी म्हणाला की, पंतप्रधान नरेंद्र मोदी यांच्यासोबत या संगीत प्रकल्पाचा भाग असणे हा माझ्यासाठी आणि जेजस्ट म्युझिकसाठी खूप अभिमानाचा आणि आनंदाचा क्षण आहे.

पंतप्रधान नरेंद्र मोदी यांच्या गाण्याचा व्हिडीओ अशा प्रकारे तयार करून रिलीज करण्याची ही पहिलीच वेळ आहे. आता गारबा प्रेमींचा या गाण्याला कसा प्रतिसाद असेल हे पाहणे उत्सूकतेचे ठरेल.