Nawazuddin Siddiqui Saidhav movie accident : आपल्या वैशिष्टयपूर्ण अभिनयानं नेहमीच चाहत्यांच्या पसंतीचा अभिनेता राहिलेल्या नवाझुद्दीनच्या आगामी चित्रपटाची उत्सुकता आहे. नवाझुद्दीन हा आता शैलेश कोलानूच्या सैंधव नावाच्या तेलुगू चित्रपटातून डेब्यू करणार आहे. त्याच्याविषयीची एक धक्कादायक बातमी समोर आली आहे.

सोशल मीडियावर नवाझुद्दीन बाबतची ती घटना व्हायरल झाली आहे. त्या अपघातातून नवाझुद्दीन थोडक्यात बचावल्याचे सांगण्यात येत आहे. अमर उजालानं याबाबत सविस्तर वृत्त दिले आहे. त्या वृत्तानुसार, सैंधवमध्ये नवाझुद्दीन हा विकास मलिक नावाची भूमिका साकारत आहे. त्यामध्ये त्यानं नकारात्मक भूमिका साकारत चाहत्यांचे लक्ष वेधून घेतले आहे. काही दिवसांपूर्वी पत्रकार परिषदेमध्ये त्यानं या चित्रपटाविषयी सांगितले आहे.

नवाझुद्दीननं वेंकटेश आणि इतर साऊथच्या कलाकारांसोबत काम करण्याविषयीचा अनुभवही सांगितला आहे. त्यावेळी तो म्हणाला या चित्रपटाचे शुटींग करत असताना त्याला एका अपघाताला सामोरं जावं लागले होते. त्याचं झालं असं की, आम्ही श्रीलंकेत शुटींग करत होतो. समुद्रातील त्या एका प्रसंगामध्ये मी माझ्या बोटीतून पाण्यात पडलो. त्या लाटेनं माझ्या बोटीला जोरदार तडाखा दिला होता.

सुदैवानं मला कोणतीही इजा झाली नाही. हा सगळा प्रसंग कॅमेऱ्यात कैद झाला आहे. तो सीन छान शुट झाला. मला आशा आहे की, दिग्दर्शकांना तो सीन आवडला असेल. अशा शब्दांत नवाझुद्दीनं त्या घटनेविषयी सांगितल्या आहेत. यावेळी नवाझुद्दीननं वेंकटेशसोबत काम करण्याच्या अनुभवाविषयी सांगितले आहे. त्यांच्याकडून मला खूप काही शिकायला मिळाले. तमिळमधून चित्रपट करताना खूप आनंद झाला. अशा शब्दांत त्यानं त्याच्या भावना व्यक्त केल्या आहेत.

सैंधव या चित्रपटासाठी तेलुगू भाषेचे धडे गिरवले आहेत. मला डबिंगविषयी प्रॉब्लेम होता. त्यामुळे ही भाषा शिकण्याचा मी प्रयत्न केला. त्यात मला काही अंशी यशही आले याचाही आनंद आहे. असे नवाझुद्दीननं यावेळी सांगितले.