Nawazuddin Siddiqui wife Aliya high court instruction : बॉलीवूडचा प्रसिद्ध अभिनेता नवाझुद्दीन सिद्धीकी हा वेगळ्याच कारणामुळे चर्चेत आला आहे. गेल्या काही दिवसांपासून त्याची आणि त्याच्या पत्नीची भांडणं हा सोशल मीडियावर चर्चेत आलेला मुद्दा आहे. नवाझुद्दीनच्या पत्नीनं आलियानं त्याच्यावर कौटूंबिक हिंसाचाराचा आरोप केला आहे. यामध्ये नवाझुद्दीनच्या आईच्या तक्रारीचाही समावेश आहे.

आता हायकोर्टानं नवाझुद्दीन आणि त्याची पत्नी या दोघांनाही सुनावलं आहे. नवाझुद्दीन हा बॉलीवूडमधील प्रसिद्ध अभिनेता आहे. त्याच्या चाहत्यांची संख्या मोठी आहे. त्याला इंस्टावर फॉलो करणाऱेही हजारो आहेत. अशावेळी त्याच्याबाबत घडलेल्या त्या प्रसंगानं चाहत्यांना मोठा धक्का बसला आहे. त्याच्या पत्नीनं अभिनेत्यावर अनेक धक्कादायक आरोप केले आहेत. कोर्टानं त्यांची कानउघाडणी केली आहे.

Also Read - जाणून घ्या काॅन्ट्रा फंडातल्या गुंतवणुकीबाबत

नवाझुद्दीन आणि त्याच्या पत्नीचा वाद कोर्टापर्यत गेला आहे. कोर्टानं त्यांना काही गोष्टींबाबत परखडपणे सुनावले आहे. कोर्ट म्हणाले, तुम्ही तुमच्या मुलांचा विचार करावा. तुमच्यातील भांडणं आणि त्यामुळे त्यांच्यावर होणारा परिणाम याबाबत विचार करा. भांडू नका. मुलांसाठी भांडणं सोडून एकत्र या. नवाझुद्दीननं काही दिवसांपूर्वी हॅबियस कॉर्पस अंतर्गत याचिका दाखल केली आहे. त्यामध्ये त्यानं आपली बारा वर्षाची मुलगी आणि सात वर्षांच्या मुलीबाबत माहिती पत्नीनं द्यावी यासाठी कोर्टाकडे मागणी केली आहे.

त्यावर न्यायाधीशांनी नवाझुद्दीन आणि त्याची पत्नी यांना मुलांसाठी काही गोष्टींचा पुन्हा बारकाईनं विचार करण्यास सांगितले आहे. तुमच्यातील भांडणं मिटविण्यासाठी प्रयत्न केला पाहिजे असेही कोर्टानं सुनावलं आहे. सिद्धीकी आपल्या मुलं आणि शिक्षण यांच्यासाठी अधिक सजग असल्याचे दिसून आले आहे.