बॉलिवूड अभिनेता सोनू सूद हा सतत गरजूंची मदत करताना दिसतो. चित्रपटांमध्ये खलनायकाची भूमिका करणारा सोनू सूद हा सध्या अनेकांसाठी सुपरहिरो बनला आहे. तसेच सोनू सुद सोशल मीडियावर चांगलाच सक्रिय असतो. सध्या त्याच्या एका ट्वीटची चर्चा होत आहे. या ट्वीटमुळे तो चांगलाच ट्रोल होत आहे.
सोनूने ट्विटर अकाऊंटवर दोन फोटो पोस्ट केले आहेत.सध्या तो पंजाबमध्ये आहे. त्या फोटोमध्ये त्याने काळ्या रंगाचा टीशर्ट परिधान केला आहे आणि पांढऱ्या रंगाचे बूट घातले आहेत. सोनूने तो फोटो पोस्ट करत ‘मेरे पंजाब दी मिट्टी दी खुशबू’ असं कॅप्शन दिलं होतं. पण या फोटोला दिलेल्या कॅप्शनमुळे सोनूला ट्रोलिंगचा सामना करावा लागत आहे. एका यूजरने सोनू सूदची खिल्ली उडवत ही माती नाही सर शेण आहे असं म्हटलं आहे. दुसऱ्या यूजरने, ‘सर, तुम्ही ज्याला माती समजत आहात खरं तर ते शेण आहे’ असं म्हटलं. सोनू सूदच्या या फोटोवर अनेकांनी कमेंट करत त्याची खिल्ली उडवली आहे.
लवकरच सोनू सूद ‘पृथ्वीराज चौहान’ या चित्रपटात महत्त्वाच्या भूमिकेत दिसणार आहे. या चित्रपटात अक्षय कुमार, मानुषी छिल्लर आणि संजय दत्त हे मुख्य भूमिकेत दिसणार आहे. सध्या सोनू सुद त्याच्या सामाजिक कामामुळे नेहमीच चर्चेत असतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.