मुंबई - खतरो के खिलाडीचा 11 वा सीझन आता लवकरच सुरु होणार आहे. गेल्या दीड महिन्यांपासून त्याचं साऊथ आफ्रिकेतील केपटाऊनमध्ये शुटिंग सुरु होतं. यंदाच्या सीझनमध्ये सहभागी झालेले स्पर्धक आपआपलं शुट संपवून घरी परतण्याच्या तयारीत आहे. सोशल मीडियावर या रियॅलिटी शो ची जोरदार चर्चा रंगताना दिसत आहे.कलर्स वाहिनीनं आपल्या इंस्टाग्रामवरुन मालिकेच्या प्रमोशनला सुरुवातदेखील केली आहे. सध्या बिग बॉस फेम निक्की तांबोळी प्रेक्षकांचे लक्ष वेधून घेताना दिसत आहे.

बिग बॉसच्या 14 व्या सीझनमध्ये निक्की स्पर्धक म्हणून सहभागी झाली होती. आताच्या या रियॅलिटी शो मध्ये तिचे वेगवेगळ्या प्रकारचे स्टंट चाहत्यांच्या कौतूकाचा विषय ठरत आहे. आता जो निक्कीचा प्रोमो समोर आला आहे त्यात ती रडताना दिसत आहे. त्याचे कारण म्हणजे तिला साप आणि झुरळांनी घेरले आहे. अशाप्रकारचा स्टंट करुन तिनं चाहत्यांना धक्का दिला आहे. तिनं तो व्हिडिओ सोशल मीडियावरही शेयर केला आहे. त्याला चाहत्यांचा मोठ्या प्रमाणात प्रतिसाद मिळताना दिसत आहे.

त्या व्हिडिओमध्ये तिच्या जोडीला रोहित शेट्टी देखील दिसत आहे. निक्कीला पाहून त्या इव्हेंटमध्ये सहभागी होणारा अर्जुन बिजलानी देखील घाबरला आहे. हा व्हिडिओ पाहून या कलाकारांना कोणत्या अडचणींना सामोरं जावं लागलं हे पाहायला मिळालं आहे. टेलि चक्करनं दिलेल्या माहितीनुसार राहुल वैद्य, विशाल आदित्य सिंग आणि वरुण सुद यांनी टॉप 3 मध्ये जागा मिळवली आहे. आता हे या तिघांमधील कोण बाजी मारणार हे पाहणे उत्सुकतेचे ठरणार आहे.

गेल्या काही दिवसांपूर्वी दिव्यांका त्रिपाठीनं तिला घाबरवून टाकणारा एक व्हिडिओ पोस्ट केला होता. त्यात ती एका मगरीशी खेळताना दिसली. तिला पाहून श्वेता तिवारी आणि आस्था गिल या कमालीच्या घाबरलेल्या दिसत होत्या. त्या व्हिडिओला देखील प्रेक्षकांचा मोठा प्रतिसाद मिळाला होता.