एक फोटो सध्या सोशल मीडियावर व्हायरल झालाय. या फोटोत महाराष्ट्राचे माजी मुख्यमंत्री विलासराव देशमुख दिसत आहेत. आणि त्यांच्या शेजारी एक मुलगा आहे. हा मुलगा आज एक लोकप्रिय विनोदवीर म्हणुन महाराष्ट्रात स्वतःचं नाव कमावतोय.

तुम्हीही ओळखलं का या विनोदवीराला? नसेल ओळखलं तर आम्ही सांगतो. हा विनोदवीर दुसरा तिसरा कोणी नसुन तो आहे चला हवा येऊ द्या फेम निलेश साबळे.

निलेश साबळेने शेअर केली विलासरावांसोबतची खास आठवण

निलेश साबळेने विलासरावांसोबतची खास आठवण शेअर केलीय. यात निलेश लिहीतो, "मेडिकल कॉलेज ला शिकत असताना .. inter university competition इंद्रधनुष्य या स्पर्धेचा विजेता झालो .. त्या वेळचे माननीय मुख्यमंत्री ‘विलासरावजी देशमुख’ यांच्या हस्ते बक्षिस स्वीकारण्याचा अभिमानास्पद क्षण .. आणि पाठीवर ठेवलेले शाबासकीचे हात .. खूप काही करण्याची प्रेरणा देऊन गेले."

निलेशने चला हवा येऊ द्या बद्दल सांगितली महत्वाची अपडेट

चला हवा येऊ द्या फेम निलेश साबळे यांनी एका वृत्तसंस्थेला दिलेल्या मुलाखतीत चला हवा येऊ द्या ऑफ एअर जाणार असल्याचं सांगितलं आहे. निलेश म्हणाले, "गेली ९ वर्ष चला हवा येऊ द्या शो प्रेक्षकांचं मनोरंजन करतोय. तुर्तास झी मराठीने चला हवा येऊ द्या शो थांबवण्याचा निर्णय घेतलाय."

निलेश साबळे चला हवा येऊ द्याचं नवीन पर्व घेऊन येणार?

निलेश लवकरच चला हवा येऊ द्याचं नवीन पर्व घेऊन येणार असल्याची चर्चा आहे. निलेशने याविषयी सांगितले, "चला हवा येऊ द्या च्या माध्यमातुन शोमधील कलाकारांना खुप लोकप्रियता आणि प्रसिद्धी मिळाली. प्रत्येकाला आयुष्यात आर्थिक स्थैर्य प्राप्त झाले. पण तुर्तास थांबण्याचा निर्णय घेत आहोत. पण काही महिन्यांनी नवीन पर्वाच्या माध्यमातुन आम्ही पुन्हा भेटीला येऊ"

चला हवा येऊ द्याच्या निमित्ताने निलेश साबळे आणि शोमधले इतर कलाकार म्हणजेच भाऊ कदम, भारत गणेशपुरे, सागर कारंडे, कुशल बद्रिके, श्रेया बुगडे अशा अनेक कलाकारांना प्रेक्षकांचं प्रेम मिळालं.