Akshay Kumar On Nitin Desai Suicide: प्रसिद्ध कलादिग्दर्शक नितीन देसाई यांच्या निधनाने सर्वांनाच धक्का बसला आहे. बॉलिवूडसह मराठी मनोरंजन विश्वावरही त्याच्या जाण्याने शोककळा पसरली आहे. नितीन देसाई यांचा मृतदेह त्यांच्या एनडी स्टुडिओतच पंख्याला लटकलेल्या अवस्थेत आढळून आला. नितीन चंद्रकांत देसाई यांच्या निधनानं बॉलीवूडमध्ये मोठी खळबळ उडाली आहे

त्यांच्या निधनाने सर्व सिनेतारकांनी पोस्ट शेयर करत त्यांनी शोक व्यक्त केला आहे. आता अक्षय कुमारने याने देखील नितिन देसाई यांना श्रद्धांजली वाहिली आहे. त्याने ओह माय गॉड 2 या चित्रपटाचा ट्रेलर रिलीज पुढे ढकलली आहे.

आज म्हणजेच 2 ऑगस्टला OMG 2 चा ट्रेलर प्रेक्षकांच्या भेटीला येणार होता. मात्र त्यापुर्वीच नितीन देसाई यांच्या निधनाची बातमी समोर आली. त्यामुळे अक्षयने ट्विट शेयर करत आज तो चिपटाचा ट्रेलर रिलिज करणार नसल्यांच सांगितलं.

अक्षय कुमारने ट्विट शेयर करत चाहत्यांना ही माहिती दिली. तो त्याच्या पोस्टमध्ये लिहितो की, "माझा यावर विश्वास बसत नाही आणि नितीन देसाई यांच्या जाण्याने मी खुप दु:खी आहे.

नितीन देसाई हे प्रॉडक्शन डिझाईनचे दिग्गज होते. ते सिनेविश्वाचा एक मोठा भाग होते. त्याच्या जाण्याने इंडस्ट्रीचे खुप मोठे नुकसान झाले आहे.

त्यांच्या सन्मानार्थ आम्ही आज OMG 2 चा ट्रेलर रिलीज करत नाही आहोत. उद्या सकाळी 11 वाजता आम्ही ट्रेलर लॉन्च करू. ओम शांती."

रायगड पोलीस आता नितीन देसाईच्या तपासात गुंतले आहेत. पोलिसांना त्याच्या फोनमधून एक ऑडिओ क्लिप मिळाल्याचे ज्यात त्यांनी चार जणांची नावे सांगितले आहेत असं सांगितलं जात आहे. त्याचबरोबर त्याच्यावर कर्ज असल्याचेही बोलले जात आहे.

नितीन देसाई यांच्या पार्थिवावर उद्या म्हणजेच 2 ऑगस्ट संध्याकाळी अंत्यसंस्कार करण्यात येणार आहेत. तोपर्यंत त्याचा मृतदेह मुलुंडमधील एका रुग्णालयाच्या शवाघरात ठेवण्यात येणार आहे.