Actress In Don 3: बॉलिवूड चित्रपट दिग्दर्शक फरहान अख्तर याने त्याच्या आगामी 'डॉन 3' ची घोषणा केली आणि तेव्हापासून तो चर्चेत आला. या चित्रपटाच्या घोषणेनंतर डॉनची भुमिका शाहरुख नव्हे तर रणवीर सिंग साकारणार अशी चर्चा होऊ लागली. त्यानंतर दुसऱ्या दिवशी लगेचच त्याने या चित्रपटाचा ट्रेलर प्रदर्शित केला.

डॉन फ्रँचायझीमध्ये पुढील डॉन म्हणून रणवीर सिंग भुमिका साकारणार असल्याची पुष्टी झाली असली तरी अद्याप या चित्रपटात हिरोईन म्हणुन कोण दिसणार याबाबत काही माहिती समोर आलेली नव्हती.

चित्रपटात रोमाचं पात्र हे डॉन मधील सर्वात लोकप्रिय पात्रांपैकी एक आहे. डॉनचा प्रत्येक चित्रपट या शिवाय अपूर्ण. पहिल्या डॉनमध्ये ही भुमिका झीनत अमानने साकारली होती. दुसऱ्यावेळी ही भूमिका प्रियांका चोप्राने उत्तमरित्या साकारली.

त्यामुळे आता डॉन 3 मध्ये कोणती अभिनेत्री दिसणार याबाबत लोकांमध्ये प्रचंड उत्सुकता आहे. यासाठी कियारा अडवाणीच्या नावाची चर्चा रंगली होती मात्र आता आणखी एका अभिनेत्रीचे नाव समोर आलेआहे.

आता रिपोर्ट्सनुसार कियाराची जागा क्रिती सेननने घेतली आहे. क्रितीचं नाव डॉन 3 साठी फायनल करण्यात आलं आहे.

मीडिया रिपोर्टनुसार, क्रिती सेनन फरहान अख्तरच्या एक्सेल एंटरटेनमेंटच्या ऑफिसमधून बाहेर पडताना दिसली. कॅज्युअल प्रिंटेड स्काय-ब्लू स्वेटशर्टमध्ये क्रिती मस्त दिसत होती. यावेळी तिने पापाराझींना पोज दिली. त्यानंतर फरहान अख्तरच्या डॉन 3 क्रितीची निवड करण्यात झाली असल्याच्या चर्चा जोर धरु लागल्या आहेत.

क्रिती फरहान आणि रितेशसोबत स्पॉट होताच तिच डॉनची रोमा असेल असं बोललं जात आहे. असं झाल्यास क्रिती आणि रणवीर सिंग मोठ्या पडद्यावर पहिल्यांदाच एकत्र दिसतील.

क्रिती सेननच्या वर्क फ्रंटबद्दल बोलायचं झालं तर क्रिती सेनन टायगर श्रॉफ स्टारर 'गणपथ', विशाल भारद्वाजचा 'चुरिया' आणि आनंद एल राय दिग्दर्शित चित्रपटात दिसणार आहे. त्याचबरोबर तिने काजोलसोबत तिच्या प्रोडक्शन व्हेंचर 'दो पत्ती'चे शूटिंग सुरू केले आहे. ती करीना कपूर आणि तब्बूसोबत 'द क्रू' या चित्रपटातही दिसणार आहे.