शनिवारी गाझा पट्ट्यातून इस्राइलवर मोठ्या प्रमाणात क्षेपणास्त्र हल्ला करण्यात आला होता. यानंतर इस्राइलने युद्धाची घोषणा करत प्रत्युत्तर दिले. या सगळ्यात कित्येक भारतीय नागरिक इस्राइलमध्ये अडकले असून, त्यामध्ये बॉलिवूड अभिनेत्री नुसरत भरुचा हिचा देखील समावेश असल्याचं सांगण्यात येतंय.
नुसरतच्या टीममधील एका सदस्याने याबाबत माहिती दिली आहे. नुसरत हैफा इंटरनॅशनल फिल्म फेस्टिव्हलसाठी इस्राइलला गेली होती. मात्र, आता तिच्याशी आपला संपर्क होत नसल्याचं या सदस्याने मीडियाशी बोलताना सांगितले. शनिवारी दुपारी 12.30च्या सुमारास तिच्याशी अखेरचा संपर्क झाला होता. ती त्यावेळी एका बेसमेंटमध्ये सुरक्षित होती, असंही सांगण्यात आलं आहे.
शनिवारी पहाटे गाझा पट्ट्यातून इस्राइलवर तब्बल 5,000 क्षेपणास्त्रांनी हल्ला करण्यात आला. तसंच हमास संघटनेच्या दहशतवाद्यांनी इस्राइलमध्ये शिरत नागरिकांनी मोठ्या प्रमाणात अत्याचार करण्यास सुरुवात केली. यानंतर इस्राइलने ऑपरेशन आयर्न स्वॉर्डची घोषणा करत गाझा पट्टा आणि हमासवर हल्ला सुरू केला.
इस्राइलचे पंतप्रधान बेंजामिन नेतन्याहू यांनी युद्धाची घोषणा केली आहे. त्यामुळे पॅलेस्टाईन-इस्राइल संघर्ष पुन्हा पेटला आहे. यानंतर हमासने रविवारी सकाळी पुन्हा इस्राइलवर 150 हून अधिक क्षेपणास्त्रांचा हल्ला केला आहे. आतापर्यंत इस्राइलच्या 300 हून अधिक नागरिकांचा मृत्यू झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.