बॉलीवूडचे प्रसिद्ध स्टार कपल अजय देवगण आणि काजोलची मुलगी नीसा सोशल मीडियावर सतत चर्चेत असते. नीसा अद्याप कोणत्याही बॉलीवूड चित्रपटाचा भाग नसली तरी तिने ग्लॅमरच्या दुनियेत स्वत:चे नाव कमावले आहे. अजयच्या लाडक्या मुलीचा ग्लॅमर लुक आणि स्टाइल तिला नेहमी इतरांपेक्षा वेगळी बनवते.

नीसा देवगन अनेकदा तिच्या मैत्रिणींसोबत पार्टी करताना दिसते. वीकेंड म्हणजे स्टार मुलांसाठी पार्टीचा दिवस. अशा परिस्थितीत रविवारी संध्याकाळी पुन्हा एकदा नीसा तिच्या मैत्रिणींसोबत पार्टीसाठी आली.

यादरम्यान इंटरनेटवर एक व्हिडिओही चांगलाच व्हायरल होत आहे. मात्र, यावेळी नीसाचा ग्लॅमरस लूक नसून यामध्ये ती कारचा दरवाजा उघडून बाहेर पडताना दिसतेय. मात्र अचानक ती उडी मारते आणि समोर असलेल्या सुरक्षारक्षकाला तिचा हलका धक्का लागतो.

खरं तर, नीसाच्या व्हायरल व्हिडिओमध्ये असे दिसून येते की नीसा कारचा दरवाजा उघडून बाहेर पडताना दिसतेय. मात्र अचानक ती उडी मारते. ती लगेच स्वत:ला सांभाळते आणि पडण्यापासून वाचते. या दरम्यान, तिच्या चेहऱ्यावर एक समाधानकारक हास्य आहे की ती इतक्या पापाराझींसमोर पडली नाही. पण या व्हिडीओमध्ये काही वेगळेच पाहायला मिळाले. नीसा तिच्या कारचा दरवाजा उघडताच तिचा अंगरक्षक तिच्या दिशेने सरकला.

हा व्हिडिओ पाहिल्यानंतर सोशल मीडिया यूजर्सचे म्हणणे आहे की, नीसाने बॉडीगार्डला धक्का दिला. दुसरीकडे, काही युजर्सचे म्हणणे आहे की, ‘नक्कीच या मुलीमध्ये काहीतरी गडबड आहे’, असे एकाने लिहिले. तर ‘ही सतत नशेतच असते का’, असे दुसऱ्या युजरने लिहिले. ‘निसा सतत कुठे ना कुठे धडपडत असते’, असंही नेटकऱ्यांनी लिहिलं आहे.

त्याचवेळी नीसाचा जवळचा मित्र ओरीही गाडीतून खाली उतरताना दिसला. नीसा रोज ओरीसोबत पार्टी करताना दिसते. या दोघांची मैत्री सध्या बॉलिवूडच्या कॉरिडॉरमध्ये चर्चेत आहे