पाकिस्तानी चित्रपटसृष्टीतील प्रसिद्ध पाकिस्तानी अभिनेत्री आणि मॉडेल सईदा इम्तियाजबद्दल धक्कादायक बातमी समोर येत आहे. सईदाचे आकस्मिक निधन झाले आहे. सईदाच्या मृत्यूची बातमी तिच्या इन्स्टाग्राम अकाउंटवर स्टोरी पोस्ट करून दिली आहे.

सईदाचा मृतदेह तिच्या घरातील एका खोलीत सापडल्याचे सांगण्यात येत आहे. त्याचवेळी ही दु:खद बातमी समोर आल्यानंतर सर्वांनाच धक्का बसला असून संशयास्पद परिस्थितीत झालेल्या या मृत्यूमागचे कारण काय, असे अनेक प्रश्न विचारले जात आहेत.

अभिनेत्रीच्या इंस्टाग्राम अकाऊंटवर तिच्या टीमने पोस्ट केलेल्या स्टोरीमध्ये असे लिहिले आहे की, 'अत्यंत दुःखाने कळवत आहे की सईदा इम्तियाज या जगात नाहीत. आज सकाळी ती तिच्या खोलीत मृतावस्थेत आढळली. त्यांच्या आत्म्याला शांती लाभो - Admin.'

या स्टोरीपूर्वी , अभिनेत्रीने एक पोस्ट शेअर केली होती ज्यामध्ये तिने लिहिले होते- 'मला ज्याची गरज होती ती मी गमावलेली नाही. आजही सर्वजण माझ्यासोबत आहेत'. ही पोस्ट पाहून लोक त्यांच्या प्रश्नांची उत्तरे शोधत आहेत.

सईदा सोशल मीडियावर फारशी सक्रिय नव्हती. अशा परिस्थितीत तिची इन्स्टा स्टोरी अनेक प्रश्न उपस्थित करत आहे. UAE मध्ये जन्मलेल्या सईदाने 'कप्तान', 'कुल्फी', 'वजूद' आणि 'रास्ता' यांसारख्या चित्रपटात काम केले आहे.

तिचा 'थोडी सेटिंग थोडा प्यार' हा एक चित्रपट प्रदर्शित होणार होता. याशिवाय ही अभिनेत्री तेव्हा चर्चेत आली, जेव्हा तिने इंस्टाग्रामवर बिकिनी फोटो शेअर केले होते. या फोटोवरून तिला ट्रोलिंग सामोरे जावे लागले होते.