Parineeti Chopra-Raghav Chadha wedding highlights: बॉलीवूड अभिनेत्री परिणीती चोप्रा आणि आप नेते राघव चढ्ढा गेल्या काही दिवसांपासून चर्चेत आहेत. हे लव्ह कपल आज कायमचे एकत्र होणार आहेत. उदयपूरमध्ये परिणिती चोप्रा राघव चढ्ढा यांच्या लग्नाचे विधी सुरू झाले आहेत.

दोघांचे चाहते या लग्नाबद्दल प्रत्येक अपडेटबद्दल जाणुन घेण्यासाठी उत्सुक आहे. परि-राघवच्या लग्नासाठी लीला पॅलेसला वधूप्रमाणे सजविण्यात आलेला आहे.

23 सप्टेंबर रोजी या जोडप्याचा हळदी, मेहंदी आणि संगीत सोहळा संपन्न झाला असून आता आज हे दोघे लग्न बंधनात अडकणार आहे. हा लग्नसोहळा खुपच शाही आणि आगळावेगळा असणार आहे.

या लग्नात बॉलिवूडमधील बड्या स्टार्ससोबतच राजकारणातील दिग्गज नेतेही उपस्थीत राहणार आहे. काल रात्री दिल्लीचे मुख्यमंत्री अरविंद केजरीवाल, पंजाबचे मुख्यमंत्री भगवंत मान आणि आपचे खासदार संजय सिंह हे दिग्गज देखील लग्नासाठी उदयपूरला पोहचले आहेत.

काल संध्याकाळी जोडप्यांचा संगीत अन् हळदी सोहळा झाला. त्याचे काही फोटो आणि व्हिडिओ देखील सोशल मीडियावर व्हायरल झाले आहे.

या लग्नात सुरक्षेची विषेश काळजी घेण्यात आली आहे. यात बाहेरच्या परिसरात 100 खाजगी सुरक्षा रक्षक तैनात करण्यात येणार आहेत. तर लग्नाचे फोटो बाहेर जाऊ नयेत यासाठीही विशेष काळजी घेत तेथील लोकांच्या मोबाईल कॅमेऱ्यावर निळा आणि लाल रंगाचा टेप चिकटवण्यात आला आहे.

या शाही लग्नसोहळ्याच्या विधींवर नजर टाकली तर आज दुपारी एक वाजता राघवला सेहरा बांधला जाईल. तर दोन वाजता मिरवणूक निघेल आणि दुपारी 3.30 वाजता दोघांच्या वरमाला होतील.

तर चार वाजता दोघेही सात फेरे घेतील आणि संध्याकाळी 6.30 वाजता परिणीतीची पाठवणी होईल. तर रात्री 8: 30 वाजता उदयपुर मधील हॉटेल लीला आणि ताज लेक पॅलेस इथे या कपलचे रिसेप्शन असणार आहे.