Parineeti-Raghav Engagement: अभिनेत्री परिणीती चोप्रा आणि आप नेता राघव चड्ढा १३ मे रोजी संध्याकाळी दिल्लीत धुमधडाक्यात साखरपुडा करत आहेत. साखरपुड्याच्या बातम्या आणि दिल्लीत पाहुण्यांच्या सरबराईच्या दरम्यान आता राघव चड्डा आणि परिणीती चोप्रा सोहोळ्याच्या व्हेन्यूवर एकत्र नजरेस पडले. साखरपुड्याच्या काही तास आधीच परिणीती आणि राघव एकदम कडक सुरक्षा व्यवस्थेत सेंट्रल दिल्लीच्या कपूरथला हाऊमधनं बाहेर येताना दिसले.

परिणीती चोप्रा आणि राघव चड्डा यांच्या साखरपुड्याच्या बातम्यां दरम्यान सेलिब्रिटी फोटोग्राफर विरल भयानीनं सोशल मीडियावर एक व्हिडीओ पोस्ट केला आहे. व्हिडीओमध्ये सेंट्रल दिल्लीच्या कपूरथला हाऊसमधनं चोख सुरक्षाव्यवस्थेत गाड्यांचा ताफा बाहेर येताना दिसला.

बोललं जात आहे की या गाड्यांमध्ये परिणीती चोप्रा आणि राघव चड्ढा आहेत. साखरपुड्याच्या काही तास आधीच सोहोळ्याच्या व्हेन्यूमधनं कडक सुरक्षा व्यवस्थेत गाड्यांचा ताफा बाहेर येताना पाहून लोक मात्र हैराण झाले आहेत.(Parineeti-Raghav Engagement video viral from function venue)

मिळालेल्या माहितीनुसार परिणीती आणि राघव चड्डा साखरपुड्याच्या व्हेन्यूवर तयारी चोख पार पडली आहे की नाही हे पाहण्यास गेले होते. आप नेता राघव चड्ढा आणि परिणीती चोप्रा यांना कडक सुरक्षा व्यवस्थेत पाहून सोशल मीडियावर लोक वेगवेगळ्या प्रतिक्रिया देताना दिसत आहेत.

माहितीसाठी सांगतो की,परिणीती चोप्रा आणि राघव चड्ढा यांच्या साखरपुड्यासाठी अभिनेत्रीची चुलत बहिण प्रियंका चोप्रा लंडनहून दिल्लीत पोहोचली आहे. तसंच फॅशन डिझायनर मनिष मल्होत्रा देखील सोहोळ्यात सामिल होणार आहे.

रिपोर्ट्सनुसार परिणीती आणि राघव यांच्या साखरपुड्यात बॉलीवूडचे अनेक कलाकार आणि राजकारणी सहभागी होणार आहेत. दिल्लीचे मुख्यमंत्री अरविंद केजरीवाल देखील या सोहोळ्यात सामिल होणार असल्याच्या बातम्या सोशल मीडियावर व्हायरल होताना दिसत आहेत.