Shahrukh Khan: शाहरुख खान,दीपिका पदूकोण,जॉन अब्राहम यांच्या 'पठाण' सिनेमाची सगळेच चाहते आतुरतेने वाट पाहत आहेत. सिनेमा २५ जानेवारी रोजी थिएटरमध्ये रिलीज होत आहे. पण सिनेमाच्या Advance बुकिंगला मात्र जबरदस्त ओपनिंग मिळाली आहे.

रिपोर्ट्सनुसार आता माहिती समोर येत आहे की रिलीज आधीच 'पठाण'ने साऊथ सुपरस्टार यश च्या 'केजीएफ २' चा रेकॉर्ड तोडला आहे.(Pathaan Advance Booking in Foreigh Countries,broke kgf 2 records)

समोर आलेल्या माहितीनुसार युएइ,जर्मनी आणि ऑस्ट्रेलियामध्ये सिनेमाचं जबरदस्त बुकिंग झालं आहे. आतापर्यंत ३५०० हून अधिक तिकीटांची विक्री झाली आहे आणि ऑस्ट्रेलियामध्ये पठाणच्या बुकिंगविषयी बोलायचं झालं तर तिकडे एकाच ठिकाणी जवळपास ३००० तिकीटांची विक्री झाली आहे. सर्व मिळून १ लाख १५ हजार डॉलर हून अधिक किमतीच्या तिकिटी आतापर्यंत परदेशात विकल्या गेल्या आहेत.

हा आकडा पाहिला तर केजीएफ२ च्या अॅडव्हान्स बुकिंगपेक्षा कितीतरी पटीनं जास्त आहे. जर्मनीविषयी बोलायचं झालं तर जर्मनीमध्ये पुढील पाच आठवड्यांसाठी जवळपास ८५०० हून अधिक तिकिटांची विक्री झाली आहे. फक्त फर्स्ट डे फर्स्ट शो पाहण्यासाठी ४००० हून अधिक तिकीटं विकली गेली आहेत. हा आकडा पाहून वाटतंय की 'पठाण' खूप सहज 'दिलवाले' चा रेकॉर्ड तोडेल.

हेही वाचा: आर्थिक निर्णय घेताना बनू नका चिंतातूर जंतू....

शाहरुख खान तब्बल ४ वर्षांनी बॉक्सऑफिसवर कमबॅक करत आहे. बॅक टू बॅक सिनेमे फ्लॉप झाल्यानंतर शाहरुख खानने कामातून थोडा ब्रेक घेतला आहे. 'पठाण' च्या माध्यमातून तो पुन्हा एकदा मोठ्या पडद्यावर पदार्पण करत आहे. आणि चाहत्यांना त्याच्या या सिनेमापासून खूप आशा आहेत. आता पहायचं हा सिनेमा बॉक्सऑफिसवर काय कमाल करतो.