Pathaan Trailer: शाहरुख खानचा 'पठाण' सिनेमा सध्या जोरदार चर्चेत आहे. त्यामुळे सध्या किंग खानचे चाहते देखील पठाणशी संबंधित अपडेट्स जाणून घेण्यास उत्सुक असतात.

आज तर सिनेमाचा ट्रेलर १० जानेवारीला रिलीज होत आहे या बातमीनं जोर धरला होता. यादरम्यान आता सोशल मीडियावर पठाणचा ट्रेलर लीक झाल्याची बातमी वाऱ्यासारखी पसरली आहे. (Pathaan Trailer clip leak fake video..fact of shahrukh khan thumb sup ad.)

सोशल मीडियावर सध्या एक क्लीप व्हायरलं होताना दिसत आहे. लोक म्हणू लागलेयत हाच पठाणचा ट्रेलर आहे. यामध्ये शाहरुख खान ट्रेनवर स्टंट करताना दिसत आहे. तसंच जोरदार फायटिंग करतानाही दिसत आहे. चला जाणून घेऊया या क्लीपमागचं सत्य.

एका नेटकऱ्यानं लिहिलं आहे की...''सिनेमातला सस्पेन्स कशाला दाखवताय. शेअर करणं बंद करा''. तर दुसऱ्या एकानं लिहिलं आहे की, ''मला वाटलं हा 'कुली' सिनेमातीलं सीन आहे. ज्यात अमिताभ बच्चन आणि पुनीत इस्सर एकमेकांशी लढताना दिसत आहेत''. तर काही लोकांनी क्लीप नेमकी कशाची आहे हे ओळखून बरबोर लिहिलं आहे की,'अरे ही तर थम्सअप ची जाहिरात आहे'.

हो,हे खरंय...ही कोल्ड ड्रिंकची जाहिरात आहे. याला पूर्ण दाखवलं गेलं नाही, ज्यामुळे काही लोक कन्फ्यूज झालेयत. या जाहिरातीचं शूटिंग 'पठाण'च्या शूटिंग दरम्यान झालं होतं. त्यामुळे शाहरुखचा लूक 'पठाण'च्या लूक सारखाच त्या जाहिरातीत दिसत आहे.