बॉलीवूडमधील पठाण हा चित्रपट सध्या खूप चर्चेत आहे. शाहरुख खानच्या या चित्रपटाशी संबंधित दररोज नवनवीन अपडेट्स समोर येत आहेत. जसजशी चित्रपटाची रिलीज डेट समोर येत आहे, तसतशी 'पठाण'च्या ओपनिंग डेच्या कमाईच्या बातम्याही समोर येत आहेत. अनेक मीडिया रिपोर्ट्स याबाबत वेगवेगळे दावे करत आहेत.

दरम्यान, पठाण चित्रपटाच्या पहिल्या दिवसाच्या कमाईबाबतच्या बातम्या समोर आल्या आहेत, जे पाहिल्यानंतर निर्माते आणि शाहरुख खानचे चाहते खूप खूश होतील. या रिपोर्टनुसार, शाहरुख खानचा चित्रपट पहिल्याच दिवशी बॉक्स ऑफिसवर धमाकेदार कमाई करणार आहे.

बॉलिवूड अभिनेत्री दीपिका पदुकोण आणि शाहरुख खानचा 'पठाण' हा चित्रपट गेल्या अनेक दिवसांपासून वेगवेगळ्या कारणांमुळे चर्चेत आहे. दरम्यान, आता पठाण चित्रपटाच्या कमाईबाबत एक रिपोर्ट समोर आला आहे. ई टाइम्सच्या रिपोर्टनुसार, शाहरुख खानचा चित्रपट बॉक्स ऑफिसवर ओपनिंग डे कमाई करणार आहे. हा चित्रपट पहिल्याच दिवशी बॉक्स ऑफिसवर 35-45 कोटींची कमाई करू शकतो. हा अहवाल खरा ठरला तर शाहरुख खानचा 'पठाण' चित्रपट बॉक्स ऑफिसवर येताच धूम ठोकेल.

शाहरुख खान, जॉन अब्राहम आणि डिंपल कपाडिया यांचा 'पठान' हा चित्रपट 25 जानेवारीला बॉक्स ऑफिसवर दाखल होणार आहे. या चित्रपटात जॉन अब्राहम आणि डिंपल कपाडिया यांच्याशिवाय दीपिका पदुकोणही महत्त्वाच्या भूमिकेत दिसणार आहे. मीडिया रिपोर्ट्सनुसार, सलमान खान शाहरुख खानच्या पठाण या चित्रपटात कॅमिओ करणार आहे.