कतरीना कैफ : अभिनेत्री कतरीना कैफ अनेक प्रोजेक्टमध्ये व्यग्र आहे. तिने अल्पावधीतच सौंदर्य आणि अभिनयाच्या जोरावर चाहत्यांच्या मनावर अधिराज्य गाजवले आहे. तिचा आगामी ‘फोन भूत’ हा चित्रपट लवकरच प्रेक्षकांच्या भेटीस येणार आहे. या चित्रपटात तिच्यासह ईशान खट्टर आणि सिद्धांत चतुर्वेदी मुख्य भूमिकेत झळकणार आहे.

या चित्रपटाचा धमाकेदार ट्रेलर प्रदर्शित झाला असून, प्रेक्षकांकडून उत्स्फूर्त प्रतिसाद मिळत आहे. २ मिनिटे ४९ सेकंदाच्या ‘फोन भूत’च्या ट्रेलरमध्ये सिद्धांत आणि ईशान भूत पकडण्याचे काम करताना दिसतात. हे दोघे मॉडर्न तांत्रिकाच्या भूमिकेत आहेत.

त्यात त्यांना कतरिनाची साथ मिळते. चित्रपटात कतरिना भूताच्या रूपात दिसणार आहे. अशा वेळी सर्वजण घाबरवण्याऐवजी हसवतात. एक हॉरर कॉमेडी चित्रपट प्रेक्षकांना पाहण्यास मिळणार आहे. कतरिनाला अन्य भूतांना मोक्षप्राप्तीसाठी मदत करायची असते.

यासाठी ती सिद्धांत-ईशानसह भूत पकडणारी टोळी बनवून एका अनोख्या प्रवासाला निघते. गुरमीत सिंग दिग्दर्शित आणि रविशंकरन-जसविंदर सिंग बाथ लिखित, रितेश सिधवानी आणि फरहान अख्तर यांच्या एक्सेल एंटरटेनमेंटद्वारा निर्मित ‘फोन भूत’ येत्या ४ नोव्हेंबरला चित्रपटगृहात प्रदर्शित होणार आहे.