Pooja Sawant: अभिनेत्री पूजा सावंत (Pooja Sawant) ही काल (28 फेब्रुवारी) सिद्धेश चव्हाणसोबत (Siddhesh Chavan) विवाह बंधनात अडकली आहे. पूजा आणि सिद्धेश यांचा लग्नसोहळा धुमधडाक्यात पार पडला. अशताच आता पूजानं तिच्या लग्नसोहळ्याचे फोटो सोशल मीडियावर शेअर केले आहे. या फोटोवर नेटकऱ्यांनी लाइक्स आणि कमेंट्सचा वर्षाव केला आहे.

पूजा आणि सिद्धेश यांचे फोटो

पूजानं तिचे लग्नसोहळ्याचे फोटो सोशल मीडियावर शेअर केले आहेत. या फोटोमध्ये पूजा आणि सिद्धेश यांच्यावर फुलांचा वर्षाव झालेला दिसत आहे. पूजानं लग्नसोहळ्यात खास लूक केला होता. लग्नसोहळ्याच्या फोटोमधील पूजाच्या ब्रायडल लूकनं अनेकांचे लक्ष वेधले आहे.

पूजाचा लूक

पिवळ्या रंगाडी साडी, गोल्डन ज्वेलरी आणि गजरा असा लूक पूजानं लग्नसोहळ्यात केला होता. पूजानं शेअर केलेल्या लग्नसोहळ्याच्या फोटोमध्ये पूजा आणि सिद्धेशवर फुलांचा वर्षाव होताना दिसत आहे.

सिद्धेशनं लग्नसोहळ्यासाठी ऑल व्हाईट लूक केला होता. व्हाईट कलरचा फेटा आणि व्हाईट आऊटफिट असा लूक सिद्धेशनं केला.

'या' कलाकारांनी लावली पूजाच्या लग्नसोहळ्याला हजेरी

पूजाच्या लग्नसोहळ्याला तिच्या कुटुंबीयांनी तसेच तिच्या मित्र-मैत्रिणींनी हजेरी लावली. तसेच वैभव तत्ववादी, मृण्मयी देशपांडे, अभिजीत खांडकेकर या कलाकारांनी देखील पूजाच्या विवाहसोहळ्याला हजेरी लावली.

सिद्धेशनं काही महिन्यांपूर्वी पूजाला लग्नासाठी प्रपोज केलं होतं.पूजा आणि सिद्धेशचा काही दिवसांपूर्वी साखरपुडा देखील पार पडला. या दोघांच्या साखरपुड्याला अनेक कलाकारांनी हजेरी लावली होती. तसेच पूजाच्या मेहंदी आणि हळदीच्या कार्यक्रमाचे फोटो सोशल मीडियावर व्हायरल झाले.