Pooja Sawant: अभिनेत्री पूजा सावंतचा (Pooja Sawant) धुमधडाक्यात लग्नसोहळा पार पडला आहे. पूजानं सिद्धेश चव्हाणसोबत (Siddhesh Chavan) लग्नगाठ बांधली आहे. पूजा आणि सिद्धेश यांनी लग्नसोहळ्यानंतर रिसेप्शन पार्टीचं आयोजन केलं. रिसेप्शनसाठी पूजा आणि सिद्धेश यांनी खास लूक केला होता. त्यांचे फोटो सोशल मीडियावर व्हायरल झाले. यावेळी पापाराझींना फोटोसाठी पोज देताना सिद्धेशनं पूजासाठी खास उखाणा घेतला. त्यासोबतच पूजानं देखील उखाणा घेतला.

सिद्धेशनं घेतला उखाणा

“ऑस्ट्रेलियाच्या समुद्रात जीवनाची नौका, पूजाचं नाव घेतो सर्वजण ऐका", असा उखाणा सिद्धेशनं घेतला.

पूजाचा उखाणा

पूजाचं सिद्धेशसाठी उखाणा घेतला, “सोन्याच्या ताटात चांदीची वाटी, सिद्धेश रावांचं नाव घेते सात जन्मांसाठी”

पूजा आणि सिद्धेश यांचा लूक

रिसेप्शनसाठी पूजा आणि सिद्धेश यांनी खास लूक केला होता. पूजानं रेड कलरची साडी, मोकळे केस आणि गोल्डन ज्वेलरी असा लूक केला होता. तर सिद्धेशनं ऑल ब्लॅक लूक केला होता.

सिद्धेशनं काही महिन्यांपूर्वी पूजाला लग्नासाठी प्रपोज केलं होतं. पूजानं एक खास व्हिडीओ शेअर केला होता. या व्हिडीओमध्ये सिद्धेश हा पूजाला फिल्मी स्टाईलमध्ये प्रपोज करताना दिसला. पूजा आणि सिद्धेशचा काही दिवसांपूर्वी साखरपुडा देखील पार पडला. या दोघांच्या साखरपुड्याला अनेक कलाकारांनी हजेरी लावली होती.

पूजानं क्षणभर विश्रांती या चित्रपटातून पूजानं अभिनय क्षेत्रात पदार्पण केलं. गोंदण,पोश्टर बॉय,सतरंगी रे, आता गं बया,साटं लोटं पण सगळं खोटं,नीळकंठ मास्तर,दगडी चाळ या चित्रपटांमध्ये तिनं काम केलं.