Pooja Sawant Love Story: अभिनेत्री पूजा सावंत ही मराठी मनोरंजन विश्वातील लोकप्रिय अभिनेत्री. पूजाला आपण आजवर अनेक सिनेमांमध्ये आणि वेबसिरीजमध्ये अभिनय करताना पाहिलंय. इतकंच नव्हे तर पूजाने एका जाहीरातीत थेट अमिताभ बच्चन यांच्यासोबत काम केलंय.

पूजाने काहीच दिवसांपुर्वी तिच्या बॉयफ्रेंडचा खुलासा केला. पूजाने अचानक तिचं रिलेशनशीप उघड केल्याने सर्वांना सुखद धक्का बसला. अशातच पूजाने एका मुलाखतीत तिची बॉयफ्रेंडची भेट कशी झाली आणि ती लग्न कधी करणार? याचा खुलासा केलाय.

कशी झाली पूजाची बॉयफ्रेंडसोबत भेट?

ABP माझाला दिलेल्या मुलाखतीत पूजाने हा खुलासा केला. झालं असं की.. पूजा सावंतच्या घरी लग्नाचा विषय सुरु होता. त्यावेळी पूजाला स्थळ आलं. तोच मुलगा म्हणजे पूजाचा बॉयफ्रेंड सिद्धेश चव्हाण. पूजाने पहिल्यांदा सिद्धेशचा फोटो बघितला. तेव्हा तिला तो आवडला. तेव्हा तिने स्वतःहून त्याच्याशी संपर्क साधला.

अरेंज मॅरेज असलं तरीही पूजा गेली वर्षभर सिद्धेशशी बोलत आहे. त्यामुळे अरेंज कम लव्ह मॅरेज, असं पूजा म्हणते

पूजा लग्न कधी करणार?

पूजा लग्न कधी करणार असा प्रश्न तिला मुलाखतीत विचारण्यात आला. त्यावेळी ती म्हणाली, "सध्या तरी चव्हाण आणि सावंत कुटुंबात बोलणी सुरु आहेत. आम्ही दोघं जेव्हा comfortable असू तेव्हा आम्ही लग्नाचा निर्णय घेऊ."

पूजाचा बॉयफ्रेंड झगमगाटापासून दूर आहे. त्यामुळे त्याच्या प्रायव्हसीचा आदर करणं, हे पूजाला तिचं कर्तव्य वाटतं.

पूजाचा आगामी सिनेमा

पूजा आगामी मुसाफिरा चित्रपटात झळकणार आहे. या बिग बजेट चित्रपटात पुष्कर जोग, पूजा सावंत, पुष्कराज चिरपुटकर, भोजपुरी स्टार स्मृती सिन्हा, दिशा परदेशी अशी तगडी स्टारकास्ट सिनेमात पाहायला मिळतेय. हा सिनेमा २ फेब्रुवारी २०२४ ला भेटीला येतोय.