Poonam Pandey: पूनम पांडे (Poonam Pandey) ही सध्या चर्चेत असणारी अभिनेत्री आहे. गर्भाशयाच्या कर्करोगानं पूनमचा मृत्यू झाला, अशी पोस्ट शेअर करण्यात आली होती. ती पोस्ट सोशल मीडियावर व्हायरल झाली. त्यानंतर अनेकांनी पोस्ट शेअर करुन पूनमला श्रद्धांजली देखील वाहिली. पण नंतर पूनमनं ती जिवंत असल्याचं सांगितलं. पूनमच्या या सर्व स्टंटबाबत आता तिच्या नवऱ्यानं एका मुलाखतीत सांगितलं आहे.

काय म्हणाला पूनमचा पती?

पूनमचा घटस्फोट झाला आहे, असं म्हटलं जात होतं पण आता हिंदुस्तान टाईम्सला दिलेल्या मुलाखतीत पूनमचा पती सॅम बॉम्बेने स्पष्ट केले की, त्याने आणि पूनमने घटस्फोट घेतलेला नाही. पूनमच्या स्टंटबाबत सॅमला मुलाखतीत विचारण्यात आलं. "तुला पूनमच्या स्टंटबाबत आश्चर्य वाटले का?" असा प्रश्न सॅमला मुलाखतीत विचारण्यात आला. या प्रश्नाचं पूनमनं उत्तर दिलं, “नाही. तिने हे केले याचा मला आनंद आहे. ती जिवंत आहे तेच माझ्यासाठी पुरेसे आहे.”

सॅम म्हणतो, "ती सर्वात धाडसी भारतीय महिला आहे"

सॅमनं पुढे सांगितलं, "जर कोणी एखाद्या समस्येबद्दल जागरुकता निर्माण करत असेल तर त्याचा आदर करूया. पूनम पांडे टाइमलेस आहे. ती सर्वात धाडसी भारतीय महिला आहे."

पूनमच्या सोशल मीडिया अकाऊंटवरुन शेअर करण्यात आली होती पोस्ट

पूनमच्या सोशल मीडिया अकाऊंटवरुन एक पोस्ट शेअर करण्यात आली होती. या पोस्टमध्ये लिहिलं होतं,"आपणास कळविण्यास अत्यंत दु:ख होत आहे की, आमची लाडकी पूनम हिला गर्भाशयाच्या मुखाच्या कर्करोगाने गमावले आहे.” या पोस्टनंतर अनेकांना धक्का बसला होता. पण नंतर पूनमनं एक व्हिडीओ शेअर करुन सांगितलं की, ती जिवंत आहे.

जाणून घ्या पूनम पांडेबद्दल

2013 मध्ये रिलीज झालेल्या नशा या चित्रपटामधून पूनमनं अभिनय क्षेत्रात पदार्पण केलं. त्यानंतर तिनं भोजपुरी,तेलुगू आणि कन्नड चित्रपटांमध्ये देखील काम केलं. पूनम ही तिच्या बोल्ड आणि ग्लॅमरस लूकमुळे चर्चेत असते.