Poonam Pandey New Post : टीव्ही मनोरंजन, चित्रपट अन् रियॅलिटी शो मधून नेहमीच आपल्या नावाची वेगळी ओळख तयार करणाऱ्या पूनमच्या एका नव्या पोस्टनं पुन्हा चर्चेला उधाण आले आहे. काल पूनमनं आपण नवीनच सत्य सगळ्यांसमोर आणणार असे म्हटले होते. आता तिची एक पोस्ट नेटकऱ्यांच्या चर्चेचा विषय आहे.

तुम्ही पाहिलतं मी अजून कोणतंही सत्य समोर आणलंही नाही तोच मला कायदेशीर नोटीस पाठवण्यात आली आहे. स्टेकहोल्डर्सच्या मनात भीती दिसून येत आहे. त्या सगळ्याच परिणाम म्हणून आता माझ्याविरोधात कायदेशीर करायची असं सगळं सुरु झाले आहे. असे पूनमनं त्या पोस्टमध्ये म्हटले आहे.

पूनमची काही दिवसांपूर्वी निधन झाल्याची बातमी समोर आली होती. खरं तर तिच्या पीआर टीमकडूनची त्याबाबत एक पोस्ट शेयर करण्यात आल्यानं मोठी खळबळ उडाली होती. मात्र त्यानंतर पूनमनं एक व्हिडिओ व्हायरल करुन आपण कुठेही गेलो नसून जिवंत असल्याचे सांगून चाहत्यांना, नेटकऱ्यांना धक्का दिला होता. त्यावरुन तिला मोठ्या टीकेचा सामना करावा लागला होता. पूनमनं आपण सर्व्हिकल कॅन्सर या आजाराबाबत जनजागृती करत असल्याचे म्हटले होते.

पूनमनं काल देखील इंस्टावरुन आपण आता एक मोठं सत्य समोर आणणार असून त्याचा खुलासा करणार असल्याचे म्हटले होते. तिची ती पोस्ट इंस्टावरुन व्हायरल झाली होती. त्यानंतर आजच्या तिच्या एका पोस्टनं पुन्हा चर्चेला उधाण आली आहे. तिनं आपण अजून सत्य समोर सांगितलेही नाही तोच शेयर बाजारात ज्याप्रमाणे खळबळ उडते तसे झाले आहे. आणि माझ्यावर कायदेशीर कारवाई करणार असल्याचे मला समजले आहे.

बॉलीवूडच्या कित्येक सेलिब्रेटींनी तिच्या अशा तऱ्हेवाईक वागण्यावरुन वेगवेगळ्या कमेंट केल्या आहेत. त्यात कंगना, अनुमप खेर आणि टीव्ही मनोरंजन विश्वातील अनेक सेलिब्रेटींनी पूनमच्या वागण्याबाबत नाराजी व्यक्त केल्याचे दिसून आले आहे.