कंगना रनौतच्या(kangana Ranut) 'लॉकअप'(LockUpp) शो चा अत्याचारी खेळ जसा फिनालेच्या जवळ जात आहे तसतसे कंटेस्टंट्स जिंकण्यासाठी कुठल्याही थराला जाताना दिसत आहेत. नुकत्याच एका भागात पूनम पांडेनं(Poonam Pandey) एक मोठं खबळबळजनक विधान केलं आहे. विधान कसलं ऑफरच दिलीय. म्हणाली,''मला यावेळी जिंकून दिलंत तर मी कॅमेऱ्यासमोर पूर्णपणे टॉपलेस होईन''.

नुकत्याच झालेल्या एका भागात पूनम जेलमधील मोकळ्या जागेत बिकनी घालून आंघोळ करताना दिसली अन् पाहणाऱ्यांच्या हृद्याचे ठोके वाढले. त्यानंतर एस्केप रुममध्ये एक टास्क दिला ,जिथे त्या रुममध्ये प्रवेश करणाऱ्या पहिल्या तीन कंटेस्टंट्सना चार्जशीटच्या माध्यमातून स्वतःला वाचवण्याची संधी मिळणार होती. या टास्कमध्ये भाग घेण्यासाठी पात्र ठरलेल्यांमध्ये मुनव्वर फारुकी,पूनम पांडे,सायशा शिंदे,पायल रोहातगी आणि प्रिसं नरुला होते. शिवम शर्मा पहिल्यापासूनच शो च्या अंतिम फेरीत प्रवेश कराणारा पहिला स्पर्धक ठरला आहे. अंजली अरोराला इतर जेलमधील कंटेस्टंट्सनी 'लॉकइन' केलं आहे. आणि आजमा फलाहला देखील 'लॉकइन' करण्यात आलं आहे. म्हणजे या दोघी देखील या आठवड्यात चार्जशीटच्या माध्यमातून स्वतःला वाचवू शकत नाहीत.

मुनव्वर,सायशा आणि पूनम या तिघांनी सर्वप्रथम एस्केप रुमला शोधून काढलं आणि तिथे प्रवेश केला. तिथे प्रवेश केल्यानंतर त्यांना एक कोडं सोडवायचं होतं आणि टाळं खोलून बझर वाजवायचा होता. सायशानं टास्कमध्ये पूनमला धोका दिला आणि मुनव्वरला जिंकण्यासाठी मदत केली कारण तो बझर दाबवणारा पहिला कंटेस्टंट बनला आणि त्यानंतर पूनमला टास्कमधून बाहेर निघावं लागलं. त्यानंतर मुनव्वर आणि सायशामध्ये बझर जास्त वेळ पकडून कोण धरतं यावर शर्यत लागली. त्यात मुनव्वरने बाजी जिंकली आणि सायशा हरली. अशाप्रकारे मुनव्वरनं स्वतःला वाचवत फिनालेमध्ये प्रवेश केला आहे. पण यानंतर 'लॉकअप' मधून बाहेर पडण्याच्या भीतीनं पूनम पांडेनं कॅमेऱ्यासमोर जाऊन एक खळबळजनक विधान केल्यानं आता चर्चा सुरू झाली आहे.

पूनम पांडेनं चाहत्यांना म्हटलं आहे,''मला वोट दिलात तर मी माझं टी-शर्ट काढेन,कदाचित अंतरवस्त्रही मी घालणार नाही''. या महिन्याच्या सुरुवातीला देखील पूनमनं वोट जास्त मिळवण्यासाठी टॉपलेस होऊन दाखवलं होतं. पण तेव्हा ती पूर्णपणे न्यूड नव्हती झाली. पण आता तिनं पूर्णपणे टॉपलेस होईन असं म्हटल्यानं खळबळ माजली आहे.