मुंबई - दिल्लीतील शेतक-यांच्या आंदोलनाला पाठींबा देऊन सर्वांचे लक्ष वेधून घेतलेल्या प्रसिध्द पॉप सिंगरनं आपले खरे रंग दाखविण्यास सुरुवात केली आहे. तिनं सोशल मीडियावर शेअर केलेल्या फोटोमुळे एकच खळबळ उडाली आहे. यामुळे तिच्यावर कडाडून टीका होत आहे. तिला शेलक्या शब्दांत सुनावले आहे. रिहानासाठी अशाप्रकारचा फोटो नवीन नसला तरी तिनं सर्वसामान्य भारतीयांच्या भावना दुखावल्याचा आरोप नेटीझन्सने केला आहे. रिहानाचा हा फोटो मोठ्या प्रमाणात व्हायरल झाला आहे.
रिहानानं एका लॉन्जरी ब्रँण्डसाठी फोटोशुट केले होते. ते व्हायरल झाले आहे. त्यात रिहानाचा टॉपलेस फोटो दिसत असून तिनं गळ्यात काही दागिनेही घातले आहेत. त्यात भगवान गणेश यांचे एक पेंडेंट आहे. त्यामुळे तिला वादाला सामोरं जावं लागत आहे. रिहाना तिच्या फॅशनेबल लुकसाठी प्रसिध्द आहे. तिचे चाहतेही लाखाच्या घरात आहेत. जगभर आपला चाहतावर्ग तयार करणा-या रिहानानं केलेलं फोटोशुट तिला महागात पडणार असल्याचे दिसत आहे. काही दिवसांपूर्वी रिहानानं दिल्लीत चाललेल्या शेतकरी आंदोलनावरुन एक व्टिट केले होते. त्यात तिनं शेतक-यांना समर्थन दिले होते. यावरुन ती चर्चेत आली होती. मात्र तिचा नवा फोटो टीकेचा विषय होतो आहे.
रिहानानं एका दागिन्याच्या ब्रँण्डिगसाठी फोटोशुट केल्याचे म्हटले आहे. यावर प्रतिक्रिया देताना केंद्रीय मंत्री गिरीराज सिंह यांनी सांगितले की, भारतासारख्या देशात सगळं काही सहन केले जाते. आपली सहिष्णूता ही आपल्याला अडचणीची ठरते आहे. याचा फायदा काही लोक घेताना दिसत आहे. त्यात चित्रपट तयार करणारे, जाहिरात बनवणारे यांचा सहभाग आहे. अशाप्रकारची तुकडे तुकडेवाली जी संघटना आहे त्याचे हे सगळे सभासद आहेत. ते आपल्या देवदेवतांचा अपमान करत असल्याचे दिसून आले आहे. मात्र ज्यावेळी दुस-या कुठल्या धर्माचे स्केच व्हायरल होते तेव्हा गदारोळ होतो. आपल्या येथे अति सर्वत्र वर्जित अशी परिस्थिती आहे. आता वेळ धैर्य दाखविण्याची नाही तर त्याच्या विरोधात लढण्याची आहे.
यापूर्वीही रिहाना वादाच्या भोव-यात सापडल्याचे दिसून आले आहे. त्यावरुन तिनं माफीही मागितली आहे. तिनं मुस्लिम धर्मियांच्याही भावना एका जाहिरातीच्या माध्यमातून दुखावल्याची घटना घडली होती. त्यामुळे तिला मोठ्या रोषाला सामोरं जावं लागलं होतं. हा वाद एवढा वाढला होता की, तिला अखेर माफी मागावी लागली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.