प्रीमियर - प्रार्थना बेहेरे, अभिनेत्री
मीडिया आणि माझा संबंध तसा उशिरा, म्हणजे शिक्षण पूर्ण केल्यावर आला. मी मूळची बडोद्याची. तिथे बी.एस्सी.पर्यंतचे शिक्षण पूर्ण केल्यानंतर मी मुंबईला पदव्युत्तर शिक्षणासाठी आले. तिथे मी जर्नालिझममध्ये पदव्युत्तर शिक्षण घेतले.

ताज्या बातम्यांसाठी डाऊनलोड करा ई-सकाळचे ऍप

तिथूनच माझा मीडियाशी संपर्क यायला सुरुवात झाली. मी पत्रकारितेच्या कामाला सुरुवात केली आणि स्टार न्यूजला माझे काम सुरू झाले. तिथे मी ‘पेज थ्री’ न्यूजसाठी काम करायचे. त्यामुळे अनेक सेलिब्रिटिंना भेटायला, त्यांचे इंटरव्ह्यू घ्यायला मिळाले. 

‘छपाक’ चित्रपटाचे विघ्न टळेना! काय आहे अडचण! वाचा संपुर्ण बातमी

तीन मिनिटांची स्टोरी करतानाही मला खूप काही शिकायला मिळाले. अगदी अमिताभ बच्चन यांचा देखील इंटरव्ह्यू मला घ्यायला मिळाला. पत्रकारितेचा प्रवास सुरू असताना अनेक कलाकारांशी बोलता आले, ओळख झाली. मला अनेक जण म्हणायचे, ‘तू का नाही काम करत चित्रपटात?’ परंतु माझा असा काही विचारच नव्हता. जॅकी श्रॉफ अनेकदा म्हणाले, ‘तू चित्रपटात काम कर.’  रेणुका शहाणे ‘रिटा’ सिनेमा करत होत्या. तेव्हा त्या सिनेमासाठी मी सहायक दिग्दर्शक म्हणून काम केले. अर्थात, त्याला कधी कधी छोट्यामोठ्या भूमिकाही करतात. तशा मी एक-दोन छोट्या भूमिकाही केल्या. हे सगळे होत असताना मी माझे फोटो शूट केले. माझा मित्र हर्ष नरुला एकता कपूरकडे मार्केटिंग डिपार्टमेंटला होता.

रंग माझा वेगळा मधील दीपा पहा प्रत्यक्षात कशी दिसते 

मी त्याला माझे फोटो दिले होते. त्याने ते फोटो तिथे दिले आणि मला एक दिवस अचानक ‘पवित्र रिश्ता’ या मालिकेच्या ऑडिशनला बोलावले. मग माझा अभिनयाचा प्रवास सुरू झाला. ती मालिका साधारण दीड वर्ष चालली. आता पत्रकारिता, दिग्दर्शक, टीव्ही मालिकांमध्ये अभिनय असे काम केल्यावर मग आता चित्रपट करावे, असे वाटत होते. तशी संधी मला ‘जय महाराष्ट्र ढाबा भटिंडा’च्या रूपाने मिळाली. मग मी मागे वळूनच पाहिले नाही. जवळपास १४-१५ चित्रपटांत मी काम केले. आता येत्या वर्षीही माझा नवा चित्रपट येत आहे. त्याचे शूटिंग लंडन येथे केले आहे.

पुष्कर जोग सांगतोय, कुटूंबियांच्या सपोर्टमुळेच मिळाले

मी एका मध्यमवर्गीय घरातून आलेली मुलगी आहे. ‘ब्रेड आणि बटर’साठी या क्षेत्रात मी काम करत होते. तेव्हा फारशी फोकस्ड नव्हते. आता माझे अभिषेक जावकरशी लग्न झाले आहे. आता मी माझ्या कामाबाबत अधिक फोकस्ड झाले आहे. ‘रेड बस स्टुडिओ’ नावाची आमची प्रॉडक्‍शन कंपनी आहे. अभिषेक दिग्दर्शक आहे, लेखक आहे आणि निर्माताही आहे. त्यामुळे आता मला प्रीप्रॉडक्शन, पोस्ट प्रॉडक्‍शनमध्ये जास्त रस वाटतो. असा ‘पेज थ्री’ रिपोर्टरपासूनचा माझा मीडियातील प्रवास सुरू झाला व मग सहायक दिग्दर्शक, मालिका कलाकार, सिनेमामधील अभिनय करत प्रॉडक्‍शनपर्यंत आला आहे. 

(शब्दांकन : स्मिता दोडमिसे)