Prarthana Behere: अभिनेत्री पूजा सावंत (Pooja Sawant) आणि सिद्धेश चव्हाण (Siddhesh Chavan) यांचा साखरपुडा थाटामाटात पार पडला. त्यांच्या साखरपुड्याला अनेक कलाकारांनी हजेरी लावली. अभिनेत्री प्रार्थना बेहेरे (Prarthana Behere) आणि तिचा पती अभिषेक जावकर यांनी देखील पूजाच्या साखरपुड्याला हजेरी लावली होती. नुकताच प्रार्थनानं एक खास व्हिडीओ सोशल मीडियावर शेअर केला आहे. या व्हिडीओमध्ये पूजाच्या साखरपुड्यातील खास क्षण दिसत आहेत.

प्रार्थनानं शेअर केला व्हिडीओ

प्रार्थना बेहेरेनं शेअर केलेल्या व्हिडीओमध्ये गश्मीर महाजनी, भूषण प्रधान आणि वैभव तत्ववादी हे देखील दिसत आहेत. या व्हिडीला प्रार्थनानं कॅप्शन दिलं, "पूजा आणि सिद्धेश तुमचे अभिनंदन" प्रार्थनानं शेअर केलेल्या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे.

पाहा व्हिडीओ:

प्रार्थना बेहेरेनं पूजाच्या साखरपुड्यासाठी खास लूक केला होता. प्रार्थनानं व्हाईट साडी, मोकळे केस आणि निळ्या बांगड्या असा लूक पूजाच्या साखरपुड्यासाठी केला होता.

पूजा सावंत आणि सिद्धेश चव्हाण यांनी साखरपुड्यासाठी खास लूक केला होता. हिरवी साडी, नथ आणि गोल्ड ज्वेलरी असा लूक पूजानं केला होता. सध्या नेटकरी पूजा आणि सिद्धेशवर शुभेच्छांचा वर्षाव करत आहे.