Prasad - Amruta Wedding: मराठी मनोरंजन विश्वातील लोकप्रिय जोडी म्हणजे प्रसाद जवादे आणि अमृता देशमुख. प्रसाद - अमृताच्या लग्नाची चर्चा गेले अनेक महिने सुरु होती. अखेर दोघांचा लग्न सोहळा थाटामाटात पार पडला

प्रसाद - अमृताच्या लग्नाचे फोटो सोशल मीडियावर चांगलेच व्हायरल झालेत. दोघांच्या चाहत्यांनी त्यांच्यावर अभिनंदनाचा वर्षाव केलाय.

(prasad jawade amruta deshmukh wedding photos viral on social media)

प्रसाद - अमृताच्या लग्नाला मराठी कलाकारांची उपस्थिती

प्रसाद जवादे आणि अमृता देशमुख यांच्या लग्नाला मराठी कलाकारांनी उपस्थिती दर्शवली. दोघांचे अनेक मित्र इंडस्ट्रीत आहेत. त्यामुळे दोघांच्या लग्नाला नम्रता संभेराव, ओंकार राऊत, सिद्धार्थ खिरीड, आशुतोष गोखले, प्रार्थना बेहेरे हे कलाकार उपस्थित होते.

या सगळ्या कलाकारांनी अमृता - प्रसादच्या लग्नात धम्माल केली. प्रसाद - अमृताच्या हळद - मेहंदी - संगीत अशा अनेक विधींमध्ये हे सर्व कलाकार उपस्थित होते.

प्रसादने हातावर लिहीलं अमृताचं हे खास नाव

प्रसाद - अमृताच्या मेहंदीचे फोटो सोशल मीडियावर चांगलेच व्हायरल झालेत. या फोटोत प्रसादने त्याच्या हातावर अमृतमय जाहलो अशी खास मेहंदी कोरलीय. या दोघांच्या या फोटोंवर त्यांच्या फॅन्सनी पसंती दर्शवलीय.

याशिवाय हळद आणि संगीत सोहळ्यात प्रसाद - अमृताने धम्माल डान्स केला. अमृताच्या बाबांनी लाडक्या लेकीसाठी खास कविता म्हटली.

अशी झाली प्रसाद - अमृताच्या लव्हस्टोरीची सुरुवात

प्रसाद जवादे - अमृता देशमुख हे बिग बॉस मराठी 4 मध्ये सहभागी होते. या शोमध्ये प्रसाद - अमृतामध्ये चांगली मैत्री झाली. दोघांमध्ये अनेक वाद - विवादही झाले. शोनंतर मात्र दोघे एकमेकांचे चांगले मित्र झाले. आणि अचानक दोघांनी साखरपुड्याचे फोटो पोस्ट करुन सर्वांना आश्चर्याचा धक्का दिला. अखेर आज प्रसाद - अमृताने एकमेकांशी लग्न करुन सहजीवनाची सुरुवात केलीय