Prathamesh Parab: अभिनेता प्रथमेश परब (Prathamesh Parab) आणि क्षितिजा घोसाळकर (Kshitija Ghosalkar) यांचा साखरपुडा काही दिवसांपूर्वी पार पडला. दोघांच्या साखरपुड्यातील फोटो आणि व्हिडीओ सोशल मीडियावर व्हायरल झाले होते. आता साखरपुड्यानंतर प्रथमेश त्याच्या सासुरवाडीला गेला आहे. प्रथमेशनं त्याच्या सासुरवाडीतील फोटो म्हणजेच श्रीवर्धनमधील फोटो सोशल मीडियावर शेअर केले आहे.

प्रथमेशनं शेअर केले फोटो

प्रथमेशनं सोशल मीडियावर शेअर केलेल्या फोटोमध्ये त्याच्या स्वागतासाठी काढलेली रांगोळी दिसत आहे. ज्यामध्ये "welcome to सासुरवाडी" असं लिहिलेलं दिसत आहे. तसेच प्रथमेशनं श्रीवर्धनमधील क्षितिजासोबतचे फोटो देखील शेअर केले आहेत.

प्रथमेशनं त्याच्या आणि क्षितिजाच्या साखरपुड्याचे फोटो सोशल मीडियावर शेअर केले आहेत. ज्यामधील एका व्हिडीओमध्ये तो रंग दे तू मोहे गेरुआ या गाण्यावर थिरकताना दिसला. लवकरच प्रथमेश आणि क्षितिजा हे दोघे लग्नगाठ बांधणार आहेत.