मुंबई- कोरिओग्राफर पुनीत पाठक नुकताच गर्लफ्रेंड निधी सिंहसोबत लग्नाच्या बेडीत अडकला आहे. त्याच्या लग्नात मोहन सिस्टर्स शक्ति मोहन-मुक्ती मोहनसोबतंच कॉमेडिअन भारती सिंह, हर्ष लिम्बचिया आणि मॉनी रॉयसोबत अनेक सेलिब्रिटी सहभागी झाले होते. पुनीत पाठक आणि निधी सिंहच्या लग्नाचे काही व्हिडिओ आणि फोटो सोशल मिडियावर मोठ्या प्रमाणावर व्हायरल झाले आहेत. अशातंच आता या जोडीचा एक रोमँटिक डान्स व्हिडिओ समोर आला आहे.  

हे ही वाचा: अभिनेत्री भार्गवी चिरमुलेचे काका रस्त्यावर कॅलेंडर विकून करतायेत उदरनिर्वाह  

पुनीत आणि निधी यांच्या लग्नात घरातील सदस्यांपासून ते इंडस्ट्रीतील मित्र मैत्रीणींसह  सगळ्यांनी जबरदस्त डान्स धमाल केली. यादरम्यान कित्येक व्हिडिओ समोर आले. मात्र पुनीत आणि निधी यांचा नवीन रोमँटिक डान्स व्हिडिओ चर्चेचा विषय बनलाय. या व्हिडिओमध्ये ही जोडी सुपरस्टार शाहरुख खानच्या गाण्यावर रोमँटिक अंदाजात डान्स करताना दिसतेय. या व्हिडिओमध्ये दोघांची जबरदस्त केमिस्ट्री पाहायला मिळतेय. हे दोघंही शाहरुखच्या 'जब तक जहां में' या गाण्यावर थिरकत आहेत. दोघांना आजुबाजुचे सगळेच चिअर अप करत आहेत.

पुनीत आणि निधीचा हा डान्स व्हिडिओ अभिनेत्री मुक्ती मोहनने तिच्या इंस्टाग्राम अकाऊंटवर पोस्ट केला आहे. याशिवाय मुक्ती मोहनने पुनीतच्या रिसेप्शनमध्ये त्याच्यासोबत मस्ती करतानाचा एक व्हिडिओ देखील शेअर केला आहे. यामध्ये मुक्ती, शक्ती, डान्सर दिपक, पुनीत पाठकसोबत अक्षय कुमारच्या 'जोर का झटका' या गाण्यावर नाचत आहेत. 

पुनीत पाठक 'डान्स प्लस' या शोचा परिक्षक होता. यामध्ये परिक्षक म्हणून त्याच्यासोबत शक्ती मोहन, धर्मेश सर होते. राघव जुयाल या शोचा सुत्रसंचालक होता तर ग्रँड मास्टर ही जबाबदारी रेमो डिसूजा यांनी पार पाडलेली.   

punit pathak romantic dance on shah rukh khan song with nidhi singh video goes viral