Jagadeesh Confessed Crime: एकीकडे पुष्पा 2 चित्रपटाची प्रेक्षक आतुरतेने प्रतिक्षा करत आहेत तर दुसरीकडे चित्रपटात अल्लू अर्जुनचा मित्र केशव यांची भूमिका साकारणार्‍या जगदीश बाबत एक धक्कादायक बातमी समोर आली आहे.

एका महिलेला आत्महत्या करण्यासाठी प्रवृत्त केल्याचा आरोप जगदीशवर करण्यात आला होता. 6 डिसेंबर रोजी जगदीशला अटक करण्यात आली.

जगदीशला पंजागुट्टा पोलिसांनी ताब्यात घेतले आणि त्याला न्यायालयात सादर केल्यानंतर चिंचल्लागुडा मध्यवर्ती तुरूंगात पाठवण्यात आले होते.

हे प्रकरण 29 नोव्हेंबरचे आहे. एका महिला कलाकाराने फाशी घेऊन आत्महत्या केली होती. या घटनेनंतर त्या महिलेच्या वडिलांनी पोलिसांत तक्रार दाखल केली होती. या प्रकरणी पोलिसांनी चौकशी केली आणि तेव्हा तपासात जगदीश बाबत उलगडा झाला. जगदीशकडे त्या महिलेचे काही खासगी फोटो होते ज्याचा वापर करुन त्याने महिलेला ब्लॅकमेल केले. या त्रासाला कंटाळून तिने आपलं जीवन संपवलं.

Abp ने दिलेल्या वृत्तानुसार, आता जगदीशने गुन्ह्याची कबुली दिली आहे. यासोबतच त्याने कबूल केले की त्याने महिलेचे काही आक्षेपार्ह फोटो चुकीच्या हेतूने काढले. इतकच नाही तर हे फोटो लीक करेल अशी धमकी देत तिला ब्लॅकमेल केले.

त्याने पुढे कबूल केले की, ती महिला दुसऱ्या व्यक्तीच्या प्रेमात होती. जे जगदीशला आवडले नाही. जगदीश त्या महिलेला पाच वर्षापासून ओळखत होता. मात्र 'पुष्पा' नंतर ते दोघे वेगळे झाले होते. मात्र तो त्या महिलेला ब्लॅकमेल करत राहिला आणि शेवटी कंटाळून त्या महिलेने आत्महत्या केली.

महिलेच्या आत्महत्येनंतर जगदीशला ताबडतोब ताब्यात घेण्यात आले होते. त्याला 14 दिवस रिमांडमध्ये पाठवण्याचा आदेश कोर्टानं दिला होता. मात्र आता 14 दिवस पूर्ण होण्यापूर्वी जगदीशने गुन्ह्याची कबुली दिली.

जगदीशच्या कामाबद्दल बोलायचं झालं तर 2018 मध्ये 'निर्विचा नतुलू' या चित्रपटासह अभिनय पदार्पण केले. यानंतर तो 2019 च्या 'मल्लेशहॅम' चित्रपटात आणि 2020 मध्ये रिलीज झालेल्या 'पलासा' चित्रपटात दिसला. 2021 मध्ये त्याने केशवची भूमिका साकारली 'पुष्पा: द राइज' आणि आता 'पुष्पा: द रुल' मध्येही दिसणार आहे.