गेल्या वर्षी रिलीज झालेल्या 'पुष्पा : द राइज’ या चित्रपटाची जादू काय अजून गेली नाही. भारतातच नाही तर जगभरात देखील “झुकेगा नही साला” हा डायलॉगने प्रचंड वेड लावले आहे.(Pushpa bug bites New York Mayor Eric Adams, watch him perform Allu Arjun's iconic step)

अल्लू अर्जुनच्या ‘पुष्पा’ स्टाइलची भूरळ न्यूयॉर्कच्या महापौरांनादेखील पडली आहे. एका फॅन पेजवरून न्यूयॉर्कच्या महापौरांचा व्हिडीओ शेअर करण्यात आला आहे. हा व्हिडीओ एका कार्यक्रमादरम्यानचा आहे. या व्हिडीओमध्ये न्यूयॉर्कचे महापौर इरिक आणखी दोघांसह अल्लू अर्जुनप्रमाणे “झुकेगा नही साला” ही पुष्पाची हुक स्टेप करताना दिसत आहेत. “’पुष्पा’ या भारतीय चित्रपटावर प्रेम दाखवल्याबद्दल न्यूयॉर्कच्या महापौरांचे मनापासून धन्यवाद”, असं शेअर करण्यात आलेल्या ट्वीटमध्ये म्हटलं आहे. न्यूयॉर्कच्या महापौरांचा हा व्हिडीओ सोशल मीडियावर प्रचंड व्हायरल होत आहे.

अल्लू अर्जुनला ‘पुष्पा’ चित्रपटामुळे लोकप्रियता मिळाली. या चित्रपटात त्याच्या नायिकेची भूमिका साकारलेली दाक्षिणात्य अभिनेत्री रश्मिका मंदानाही प्रसिद्धीझोतात आली. आता ‘पुष्पा’ या चित्रपटाचा सिक्वेलही लवकरच प्रेक्षकांच्या भेटीला येणार आहे. या चित्रपटाच्या शूटिंगलाही सुरुवात करण्यात आली आहे.

पुष्पा २’ चित्रपटात बॉलिवूड अभिनेता अर्जुन कपूरसह इतरही कलाकरांची वर्णी लागल्याचं बोलण्यात येत होतं. परंतु, चित्रपटाच्या निर्मात्यांनी ही चुकीची माहिती असल्याचं सांगत स्पष्टीकरण दिलं होतं. आता चाहत्यांना ‘पुष्पा २’ चित्रपटाबद्दल उत्सुकता लागून राहिली आहे.