R Madhavan On Oscar 2023: सध्या ऑस्कर २०२३ विषयी जोरदार चर्चा सुरू आहे. याची घोषणा १२ मार्च २०२३ रोजी होणार आहे,ज्यासाठी सिनेमांच्या अधिकृत एन्ट्री प्रत्येक देशाकडून पाठवण्यात आल्या आहेत. भारताकडून ऑस्करसाठी गुजराती सिनेमा 'छेलो शो' ला पाठवण्यात आलं आहे, ज्यानंतर एसएस राजामौली यांच्या 'आरआरआर' आणि विवेक अग्निहोत्री यांच्या 'काश्मिर फाईल्स' विषयी भलतीच चर्चा रंगली आहे.

या सगळ्या दरम्यान आता आर माधवन ने देखील बोलून दाखवलंय की त्याला त्याचा 'रॉकेट्री..' सिनेमा देखील पाठवायला हवा होता. अर्थात,ही गोष्ट त्याने खूप साध्या-सरळ भाषेत म्हणजे तो वादात पडणार नाही अशा भाषेत बोलून दाखवली आहे. पण विवेक अग्निहोत्री मात्र म्हणालेत त्यांना या गोष्टीनं काही फरक पडत नाही.

गुजराती सिनेमा 'छेलो शो' ची ऑस्करमध्ये अधिकृत एन्ट्री झाली आहे. आर माधवन आणि त्याचा सह-अभिनेता दर्शन कुमार यांनी मस्करीत म्हटलंय की,'' 'रॉकेट्री','द काश्मिर फाईल्स' वर देखील विचार व्हायला हवा होता''. आर माधवन म्हणाला,'मला वाटतं की 'रॉकेट्री' आणि 'द काश्मिर फाईल्स' ला देखील पाठवायला हवं होतं''.

यानंतर तो पुढे म्हणाला, ''दर्शन 'द काश्मिर फाईल्स'साठी एक अभियान सुरु करत आहे. आणि मी 'रॉकेट्री..' साठी मोहिम राबवणार आहे. हो,पण यानंतर लगेच माधवन म्हणाला,''नकोच,त्यांना शुभेच्छा. मला आशा आहे की ते जातील आणि जिंकून आले तर आम्हाला त्यांचा अभिमानच वाटेल. ही वेळ आहे की आपण जसा आपल्या देशाप्रती चांगला विचार करतो तसाच आपल्या फिल्म इंडस्ट्री विषयी करायला हवा''.

आर माधवन सध्या आपला आगामी सिनेमा 'धोखा-द राऊंड दी कॉर्नर' च्या प्रमोशनमध्ये व्यस्त आहे. त्यानं एका मुलाखतीत देशातील ऑस्करविषयीच्या समान वागणूकीवर भाष्य केलं. तो म्हणाला,''मला आशा वाटते की देशात ऑस्करविषयी आणखी विचारपूर्वक निर्णय घेतला जाईल. गोष्टी चांगल्या होतील. आता खूप झालं. आपण तिथे जाऊन स्वतःला सिद्ध करण्याचा प्रयत्न करायला हवा''. माधवनच्या याच मुद्द्याला धरुन अपारशक्ति खुराना म्हणाला की, ''आपल्याला एका लीगल अॅवॉर्ड शो ची गरज आहे. तसा एक शो येतोय आणि याला क्रिटिक्स चॉइस सारखा अॅवॉर्ड शो बोललं जाऊ शकतं. माधवनच्या 'धोखा-द राऊंड दी कॉर्नर' सिनेमात अपारशक्ति देखील आहे