10 Years Of Raanjhanaa: दिग्दर्शक आनंद एल राय यांनी प्रेक्षकांना नेहमीच सुपरहिट चित्रपटाची मेजवानी दिली आहे. त्याच्या नवनवीन कथा आणि त्यांच्या सुपर हीट चित्रपटाच्या चर्चा इंडस्ट्रीत होतच असते. “तनु वेड्स मनू” पासून ते " रक्षाबंधन " या चित्रपटापर्यंत संगीत हा त्याच्या चित्रपटांचा अविभाज्य भाग आहे.

दिग्दर्शक आनंद एल राय यांच्या चित्रपटातील गाणे हे नेहमीच हिट होतात. त्या गाण्यामुळेच प्रेक्षकांना हे चित्रपट भावतात. त्याचा 'रांझना' या सुपरहीट चित्रपटाला तर कुणीच विसरु शकत नाही. लवकरच या चित्रपटाला १० वर्ष पूर्ण होणार आहेत.

एक दशकाचा प्रवास साजरा करताना आजही या चित्रपटाची गाणी प्रेक्षकांच्या मनात घर करून आहेत. प्रसिद्ध संगीतकार ए.आर. रहमान आणि प्रख्यात गीतकार इरशाद कामिल यांचा साउंडट्रॅक या चित्रपटातून प्रचंड गाजला.

आनंद एल राय आणि ए.आर.रहमान यांचा हा पहिला चित्रपट होता.रांझना, बनारसिया, पिया मिलेंगे, तुम तक, और ऐसे ना देखो या गाण्यांची चर्चा आजही होते. या गाण्याचा वेगळा प्रेक्षक वर्ग आहे. अलीकडेच सोशल मीडिया वर रांझना हे गाणं पुन्हा एकदा प्रेक्षकांच्या मनावर राज्य करताना दिसलं आहे. यावर अनेक रिल्सही सोशल मिडियावर व्हायरल होत असतात.

या चित्रपटातून धनुषने बॉलिवूडमध्ये पदार्पण केलं आणि अभिनयाची छाप सोडली. धनुषच्या अभिनयाने लोकांना सर्वांना आश्चर्यचकित केले.

या चित्रपटात त्यांने कुंदन या बनारसमधील पंडिताची भूमिका साकारली होती, जो एका मुस्लिम मुलीच्या प्रेमात पडतो. त्याच्यासोबत सोनम कपूरने स्क्रिन शेयर केली होती. यादोघांची जोडी प्रेक्षकांना खूप आवडली.

रांझना हा चित्रपट दहा वर्षा पूर्वी देखील तितकाच सुपरहिट होता आणि आत्ताही सर्वोत्कृष्ट चित्रपटांपैकी एक मानला जातो.

प्रेम कहाणी च्या पलिकडे जाऊन या चित्रपटाने प्रेक्षकांची मन जिंकली. दमदार कथा आणि अनोख्या गाण्याची पर्वणी असणारा हा खास चित्रपट आजही प्रेक्षकांच्या हृदयात आहे यात शंका नाही.

आजही प्रेक्षक हा चित्रपट आवडिने पाहतात. 21 जून 2013 रोजी रिलीज झालेला 'रांझना' रिलीज होऊन 10 वर्षे पूर्ण करत आहे.