Raj Kundra Case : बाॅलीवूड अभिनेत्री शिल्पा शेट्टीचा पती आणि उद्योगपती राज कुंद्रावर पाॅर्न चित्रपट बनवणे आणि ती ऑनलाईन प्लॅटफाॅर्मवर विकण्याचा आरोप करण्यात आला होता. त्यामुळे कुंद्रा चर्चेत आला होता. त्यानंतर राज कुंद्रा (Raj Kundra) काही काळ तुरुंगातही होता. आता त्याने या आरोपातून सुटका करण्याची मागणी न्यायालयात केली आहे.

मात्र हे इतके सोपे नाही. राज कुंद्राचे खटल्यातून नाव काढण्याच्या मागणीला सरकारी वकीलने विरोध केल्याचे वृत्त आहे. सरकारी वकील म्हणाले, राज कुंद्रा हे प्रत्यक्ष या पाॅर्नोग्राफीच्या उद्योगाशी जोडले गेले होते. त्याविषयी पुरावेही उपलब्ध असून त्यातून सिद्ध होते के ते दोषी आहेत. (Entertainment News)

सरकारी वकीलाने न्यायालयात दाखल केलेल्या जबाबावर राज कुंद्राचे वकील प्रशांत पाटील म्हणाले, आम्ही केस प्रकरणी युक्तिवाद करण्यास तयार आहोत. आम्हाला न्यायालयावर पूर्ण विश्वास असून सत्य समोर येईल. कुंद्रा सामिल असल्याचा कोणताच पुरावा नाही. न्यायालयात यावर युक्तिवाद करु असे पाटील यांनी सांगितले.