मराठी बिग बॉस संपला तरी बिग बॉस या कन्सेप्टला उचलून धरणा-या प्रेक्षकांसाठी अजूनही बिग बॉस हिंदी सिझन १५ मनोरंजनासाठी दिमतीला हजर आहे. मराठीपेक्षा हिंदी बिग बॉसमधले वाद टोकाचे. तिथे कधी काय घडेल याचा अंदाज लावणं कठीण. बिग बॉस पाहताना तोंड,कान,डोळे झाकण्यासाठी हात गेलेच पाहिजेत. असो सांगायचा मुद्दा असा की आता हिंदी बिग बॉस सिझन १५ मध्ये टिकट टू फिनाले साठी चुर्र्स सुरू आहे. यात करण,तेजस्वी,उमर रियाज 'टिकट टू फिनाले'मध्ये एन्ट्री मिळवण्यात असफल राहिले आहेत तर रश्मी देसाई आणि अभिजित बिचुकले यांना इतर घरवाल्यांनी नॉमिनेट केलंय. फिनाले आधी या पाच जणांपैकी कुणीतरी घराबाहेर पडणार आहे.

आता प्रश्न उरला की हे सगळं ठीक आहे पण एवढ्या जीवाभावाच्या दोन घट्ट मैत्रिणी राखी-देवोलिनात असं काय घडलं की राखी थेट तिला 'चेटकीण' म्हणाली. तर त्याचं झालं असं की हिंदी बिग बॉसच्या घरात आता काही गोष्टी अशा घडत आहेत की ज्यामुळे मित्र दुश्मन बनत चालले आहेत आणि दुश्मन एकमेकांचे मित्र बनतायत. हे का आणि कसं होतंय हे कुणालाच कळत नाही आहे. तर आपण बोलतोय राखी-देवोबद्दल. या दोघीही वाइल्ड कार्ड एन्ट्रीनं बिग बॉसच्या घरात प्रवेश मिळालेल्या. आता-आतापर्यंत आल्यापासनं यांच्यात छान मैत्री फुलली होती. मात्र एक असा टास्क झाला ज्यानं या दोघींमधलं मैत्रीचं विश्वच नेस्तनाबूत करून टाकलं.

राखी-देवोलिनात रंगलेल्या वादाचा हा व्हिडीओ नक्की पहा.

तर बिग बॉसच्या घरात एक टास्क खेळला जात होता. ज्यात एका बॉक्समध्ये पाच जणांच्या एका ग्रुपला पुढचे काही तास एका ठिकाणी हालचाल न करता बसायचे होते. तर इतर ग्रुपमधल्यांना त्यांना तिथून बाहेर काढायचे होते. देवोलिना बॉक्समध्ये बसलेल्यांना बाहेर काढण्यासाठीचे पूर्ण प्रयत्न करीत होती. पण हे पाहून एका क्षणाला देवोलिनानं असं काही केलं की बॉक्समध्ये बसलेल्या राखीचा पारा चढला आणि बेलगाम घोड्याप्रमाणे ती देवोलिनावर मुक्ताफळ उधळू लागली. ती म्हणाली,'हजार चुडैल मरीं तो तू एक पैदा हुई,थू है तेरी जिंदगी पर...यावर देवोलिनानेही राखीचा समाचार घेतला पण राखीच्या पुढे कोणाचं कधी काही चाललं आहे का. बिचारी देवोलिना ढसाढसा रडू लागली.