मुंबई- साऊथ सुपरस्टार राणा दग्गुबाती आज १४ डिसेंबर रोजी त्याच्या वाढदिवस साजरा करत आहे. त्याचा सिनेप्रवास लांबलचक राहिला असला तरी त्याने काही चांगल्या सिनेमांमध्ये काम केलं ज्यासाठी त्याला पुरस्कारांनी सन्मानित देखील केलं गेलं. मात्र असं असलं तरी राणा लक्षात राहतोय तो भल्लालदेवच्या भूमिकेमुळेच.

हे ही वाचा: गायक लकी अली यांनी चाहत्यांना दिलं सरप्राईज, गोव्यामधील व्हिडिओ होतोय व्हायरल    

'बाहुबली' सिनेमात प्रभास जरी मुख्य भूमिकेत असला तरी राणाचा भल्लालदेव हा व्हिलनही चाहत्यांना तितकाच भावला. पिळदार शरीरयष्टी आणि उत्तम अभिनयाची जोड यामुळे अनेक तरुणींच्या गळ्यातलं ताईत झाला राणा. एस.एस.राजामौली दिग्दर्शित ‘बाहुबली’ या सिनेमात भल्लालदेवाची भूमिका साकारत राणाने अनेकांची मनं जिंकली. विशेष म्हणजे या सिनेमासाठी राणाने भरपूर मेहनत घेतली होती. राणा सलग ८ तास जीममध्ये घाम गाळाचा. केवळ व्यायामच नाही तर हेल्दी डाएटही यासाठी महत्वाचं होतं. 

भल्लालदेव या भूमिकेला न्याय देण्यासाठी राणाला जीवतोड मेहनत घ्यावी लागली. त्याने त्याच्या शरीरयष्टीत आणि आहारातही काही महत्वाचे बदल केले. या भूमिकेला न्याय देण्यासाठी राणाला दररोज ४ हजार कॅलरीज घ्यावे लागत होते. त्यामुळे तो दिवसाला ४० अंडी आणि ८ तास वर्कआऊट करत होता.

इतकंच नाही तर त्याने जेवणाच्या वेळादेखील बदलल्या होत्या. साधारणपणे दिवसातून आपण ३ वेळा आहार घेतो मात्र राणा दिवसातून ८ वेळा जेवत होता. यात प्रत्येक दोन तासाने तो भात खायचा असं सांगण्यात येतं. विशेष म्हणजे या भूमिकेसाठी त्याने तब्बल १०० किलो वजन वाढवलं होतं. राणाचा भल्लादेव हा तितकाच शक्तिशाली दिसणं अपेक्षित होतं त्यामुळे त्याच्या अभिनयासोबतंच लूकवरही विशेष मेहनत घेतली गेली.   

rana daggubati birthday special know how he gain weight for bhallaldev character of bahubali