Ranbir Kapoor Break: बॉलीवूड अभिनेता रणबीर कपूर हा सध्या अनेक कारणांसाठी चर्चेत आहे. त्याचा आगामी 'अ‍ॅनिमल' चित्रपट रिलीजसाठी सज्ज आहे. हा सिनेमा 1 डिसेंबर 2023 मध्ये मोठ्या पडद्यावर प्रदर्शित होणार आहे.

या चित्रपटाचा टिझर आणि ट्रेलर रिलिज झाल्यानंतर चाहते या सिनेमासाठी उत्सूक आहे. त्यातच या चित्रपटातील पहिल्या गाण्याने देखील सोशल मिडियावर धुराळा उडवला आहे.

त्याचबरोबर रणबीर 'रामायण' चित्रपटासाठी देखील चर्चेत आहे. मात्र आता रणबीरच्या चाहत्यांसाठी एक निराशाजनक बातमी समोर आली आहे. रणबीर हा काही दिवस अभिनयातून ब्रेक घेणार असल्याची घोषणा त्याने स्वत:च केली आहे.

आता रणबीर चित्रपटांमधुन सहा महिन्यांचा ब्रेक घेणार आहे. या मागचे कारणही रणबीरने सांगितले आहे. रणबीर हा ब्रेक आपली लाडकी लेक राहासाठी घेणार आहे.

या ब्रेकमुळे त्याच्याकडे वेळ असणार आहे जो तो त्याच्या मुलीसोबत घालवणार असल्याचे त्याने सांगितले आहे.

रणबीरने आलियासोबत लग्न केल्यानंतर मुलगी राहाचे स्वागत केले आहे. त्याची आणि राहाची खुपच चांगली बॉन्डिग असल्याचे त्याने एका मुलाखतीत सांगितले आहे.

रणबीरने नुकतच झूमवर चाहत्यांशी संवाद साधला. यावेळी रणबीर कपूरने त्याच्या ब्रेकबद्दल सांगितले.

तो म्हणाला की, राहाच्या जन्मानंतर सुरुवातीच्या काही महिन्यांत तो शूटिंगमध्ये खुपच व्यस्त होता. त्यामुळे आपल्या लेकीसोबत वेळ घालवण्याची संधी त्याला मिळाली नाही.त्यामुळे आता मुलीसोबत कॉलिटी टाईम घालवण्यासाठी तो चित्रपटांमधून 6 महिन्यांचा ब्रेक घेणार आहे.

यामुलाखतीत त्याने राहाबद्दल अनेक खुलासे केले. ती आता बोलते आणि रांगतेही असंही त्याने सांगितले.

रणबीरच्या वर्कफ्रंटबद्दल बोलायचं झालं तर तो शेवटचा 'तू झुठी में मक्कार' या चित्रपटात दिसला होता. आता तो अॅनिमल चित्रपटात रश्मिका मंदान्ना, बॉबी देओल आणि अनिल कपूर यांच्यासोबत दिसेल.