Animal Scene Copy: गेल्या अनेक दिवसांपासून रणबीरच्या बहूप्रतिक्षित चित्रपट 'अ‍ॅनिमल' ची खुपच चर्चा होती. ब्रम्हास्त्रनंतर तो मोठ्या पडद्यावर एंट्री करणार असल्यानं चाहते उत्सूक आहे.

त्यातच रणबीर कपूरची मुख्य भूमिका असलेल्या अॅनिमल चा प्री टीझर रविवारी रिलीज करण्यात आला.

टीझरमध्ये रणबीर मुखवटा घातलेल्या अनेक लोकांच्या गॅगला एकटाच भिडतांना दिसला

टीझरमध्ये रणबीरचा पुर्ण लुक दिसला नसला तरी तो यात खुपच भयानक अवतारात दिसत आहे. हातात कुऱ्हाड घेऊन तो राग काढतो आणि एकट्याने सगळ्याना भिडतोय.

या प्री टीझरने सर्वांचे लक्ष वेधून तर घेतले मात्र काही लोकांना या चित्रपटाचा टिझर चोरीचा वाटला. त्यामुळे त्यांनी सोशल मिडियावर राग व्यक्त करण्यास सुरवातही केली आहे.

दक्षिण कोरियाच्या 'ओल्डबॉय' चित्रपटातुन रणबीरचा तो फाइट सीनची कथितपणे कॉपी केल्याचा आरोप त्यांनी दिग्दर्शकावर केलाय.

त्यामुळे त्यांनी या चित्रपटाच्या टिमला सोशल मीडियावर ट्रोल करण्यास सुरुवात केली. हा चित्रपट 2003 मध्ये प्रदर्शित झालेला 'ओल्डबॉय' हा हिट चित्रपटांपैकी एक आहे ज्याचे आजही बरेच चाहते आहेत.

टीझरमध्ये रणबीर पांढरा धोतर आणि कुर्ता परिधान केलेला दिसत आहे. त्याची दाढी आणि केस लांब ठेवले आहेत. कबीर सिंग आणि अर्जुन रेड्डी या सुपरहिट चित्रपटाचं दिग्दर्शन करणारे संदीप रेड्डी वंगा यांनी यांच्या खांद्यावरच या चित्रपटाच्या दिग्दर्शनाचीही जबाबदारी आहे.

भूषण कुमार आणि कृष्ण कुमार यांच्या टी-सीरीज, मुराद खेतानी यांच्या सिने१ स्टुडिओ आणि प्रणय रेड्डी वंगा यांच्या भद्रकाली पिक्चर्सद्वारे निर्मित, अॅनिमल ११ ऑगस्ट २०२३ रोजी प्रेक्षकांच्या भेटीला येणार आहे. ज्यात रणबीर कपूर, रश्मिका मंदान्ना आणि बॉबी देओल मुख्य भुमिकेत आहे.