Ranbir Kapoor In Ramayan: बॉलिवूड अभिनेता रणबीर कपूर हा सध्या त्याच्या अ‍ॅनिमल या चित्रपटामुळे चर्चेत आहे. काही दिवसांपुर्वी त्याच्या चित्रपटाचा टीझर रिलीज झाला, जो त्याच्या चाहत्यांना खूप आवडला आहे.

या टीझरमध्ये रणबीर आणि बॉबी देओल अतिशय दमदार स्टाईलमध्ये दिसले. रणबीरचा हा चित्रपट अॅक्शन थ्रिलर आहे. तर दुसरीकडे रणबीर आणखी एका चित्रपटासाठी चर्चेत आहे तो म्हणजे 'रामायण' चित्रपटामुळे.

'रामायण' या चित्रपटात रणबीर भगवान रामाची भूमिका साकारणार असल्याच्या चर्चा सोशल मीडियावर गेल्या अनेक दिवसांपासून होत आहे.. मात्र, या चित्रपटाबाबत अद्याप कोणतीही अधिकृत घोषणा करण्यात आलेली नाही.

तरी देखील या चित्रपटाबाबत सोशल मीडियावर चर्चा होत असते. या चित्रपटात रणबीर आणि आलियाची जोडी राम-सीता ही भुमिका साकारणार होते मात्र त्यानंतर आलियाचं नाव या प्रोजेक्टमधुन काढण्यात आले आणि साऊथ स्टार साई पल्लवीच्या नावाची चर्चा सुरु झाली.

मीडिया रिपोर्टनुसार रणबीरने ही भुमिका साकारण्यासाठी काही गोष्टी सोडल्या असल्याचं बोललं जात आहे. रणबीर कपूरने रामसारखे शुद्ध होण्यासाठी दारू आणि मांस सोडण्याचा निर्णय घेतला असल्याचे बोलले जात आहे.

कोइमोईने दिलेल्या वृत्तानुसार, आता रणबीरने मद्यपान आणि मांसाहार करणं पूर्णपणे बंद करण्याचा निर्णय घेतला आहे. रणबीननं हा निर्णय त्याची सार्वजनिक प्रतिमा जपण्यासाठी नाही तर श्री रामाच्या भुमिकेला न्याय देण्यासाठी घेतला आहे असं सांगण्यात येत आहे.

रिपोर्टनुसार, रणबीरला श्री रामसारखी जीवनशैली जगायची आहे म्हणुन तो लेट नाईट पार्टीतही जाणंही टाळतं आहे, असं म्हटलं जात आहे.

रणबीर आणि साई या चित्रपटाची शूटिंग फेब्रुवारी 2024 पासून सुरू करणार आहेत. या चित्रपटाच्या पहिल्या भागात रणबीर प्रभू राम आणि साई सीता यांची भुमिका साकारणार आहे. चित्रपटाचे शूटिंग ऑगस्ट 2024 पर्यंत संपणार आहे.

तर रणबीरच्या वर्क फ्रंटबद्दल बोलायचे झाले तर, रणबीर कपूरचा 'अॅनिमल' हा चित्रपट 1 डिसेंबरला प्रदर्शित होणार आहे. या चित्रपटात रणबीरसोबत रश्मिका मंदान्ना, बॉबी देओल, अनिल कपूर मुख्य भूमिकेत दिसणार आहेत. चाहते या चित्रपटाची आतुरतेने प्रतिक्षा करित आहेत.