Randeep Hooda: अभिनेता रणदीप हुड्डा (Randeep Hooda) हा लवकरच 'स्वातंत्र्यवीर सावरकर' (Swatantra Veer Savarkar) या चित्रपटातून प्रेक्षकांच्या भेटीला येणार आहे. या चित्रपटाचा ट्रेलर काल (4 मार्च) रिलीज झाला. ट्रेलरमधील रणदीपच्या अभिनयाचं अनेकजण कौतुक करत आहेत. 'स्वातंत्र्यवीर सावरकर' या चित्रपटात रणदीपनं विनायक दामोदर सावरकर यांची भूमिका साकारली आहे. अशातच आता एका मुलाखतीमध्ये रणदीपनं सांगितलं आहे की, 'स्वातंत्र्यवीर सावरकर' हा चित्रपट अँटी-प्रोपगंडा चित्रपट आहे. चित्रपटाबद्दल रणदीप आणखी काय म्हणाला? जाणून घेऊयात...

'स्वातंत्र्यवीर सावरकर' चित्रपटाबद्दल काय म्हणाला रणदीप? (Randeep Hooda On Swatantra Veer Savarkar film)

आगामी 'स्वातंत्र्यवीर सावरकर' या चित्रपटाला 'प्रोपगंडा फिल्म' म्हटलं जात आहे, याबद्दल काय सांगशील? असा प्रश्न ANI च्या मुलाखतीत रणदीपला विचारण्यात आला. या प्रश्नाचं उत्तर देताना रणदीप हुड्डा म्हणतो, "या प्रश्नाचं मी उत्तर देतो की, हा 'अँटी-प्रोपगंडा' चित्रपट आहे. सावरकरांविरोधात अनेक वर्षांपासून चालवलेला प्रपोगंडा, त्यांच्याबद्दल बोलल्यात आलेले वेगवेगळे शब्द त्या सर्वांचा भांडाफोड करण्यासाठी आणि सत्य लोकांसमोर आणण्यासाठी हा चित्रपट आहे." रणदीपच्या या उत्तरानं अनेकांचे लक्ष वेधले आहे.

पाहा व्हिडीओ:

'स्वातंत्र्यवीर सावरकर' या चित्रपटाच्या रिलीज डेटबद्दल रणदीप म्हणाला, "हा चित्रपट 22 मार्चला रिलीज होत आहे, हा योगायोग आहे. मी हा चित्रपट 15 ऑगस्टला रिलीज करणार होतो."

'स्वातंत्र्यवीर सावरकर' चित्रपटाची स्टार कास्ट (Swatantra Veer Savarkar film Star Cast)

रणदीपसोबतच या चित्रपटात अंकिता लोखंडे, अपिंदरदीप सिंह यांनी देखील काम केलं आहे.झी स्टुडिओ, आनंद पंडित, संदीप सिंग, योगेश रहार आणि रणदीप हुडा यांनी या चित्रपटाची निर्मिती केली आहे. तर या चित्रपटाची कथा, पटकथा आणि संवाद या उत्कर्ष नैथानी आणि रणदीप हुड्डा यांनी लिहिल्या आहे. 22 मार्च रोजी 'स्वातंत्र्यवीर सावरकर' हा चित्रपट रिलीज होणार आहे. या चित्रपटाची प्रेक्षक उत्सुकतेने वाट बघत आहेत.

रणदीपचे चित्रपट

रणदीप हा सरबजीत, हायवे, डरना जरूरी है या चित्रपटामधून प्रेक्षकांच्या भेटीला आला. आता रणदीपचा 'स्वातंत्र्यवीर सावरकर' या चित्रपटातील अभिनय बघण्यास प्रेक्षक उत्सुक आहेत.