Randeep Hooda Wedding: बॉलिवूडमध्ये अनेक सिनेमांमधून दमदार अभिनयासाठी ओळखला जाणारा रणदीप हुडा सध्या त्याच्या वैयक्तिक आयुष्यामुळे चांगलाच चर्चेत आहे. रणदीप हुडाने काल मणिपुरी मॉडेल आणि अभिनेत्री लिन लैश्रामसोबतच्या लग्न केलं.

गेल्या काही दिवसांपासुन रणदीप - लिन यांच्या लग्नाची चर्चा होती. दोघेही महाभारत थीमनुसार लग्न करणार असल्याचं सांगितलं जात होतं. अखेर रणदीप - लिन काल लग्नबंधनात अडकले.

रणदीप - लिनच्या लग्नाचा अस्सल मणिपुरी थाट

रणदीप - लिन या दोघांनी 29 नोव्हेंबर रोजी मणिपूरमधील इंफाळ येथे त्यांचे जवळचे सदस्यांच्या उपस्थितीत लग्नबंधनात अडकले.

रणदीप हुडा आणि लिन लैश्राम यांनी महाभारतातील कल्पना घेऊन पौराणिक थीम असलेली लग्नाची योजना आखली. महाभारतात पाच पांडवांपैकी एक असलेल्या अर्जुनने मणिपूरला भेट देऊन राज्याची राजकुमारी चित्रांगदा हिच्याशी विवाह केला होता.

रणदीप आणि लिनच्या लग्नाची सुद्धा हीच थीम होती. रणदीप लिन यांनी डिझायनर कपडे वगळता पारंपारिक मणिपुरी थाटात एकमेकांसोबत लग्न केलं.

त्यांच्या लग्नाचे अनेक व्हिडिओ सोशल मीडियावर व्हायरल होत आहेत, ज्यामध्ये ते एकमेकांना वरमाला घालताना दिसत आहेत. लग्नानंतर रणदीप आणि लिन मुंबईत रिसेप्शन देणार आहेत. मात्र, रिसेप्शनची तारीख अद्याप ठरलेली नाही.

कोण आहे रणदीपची बायको लीन?

लिन ही मणिपूरमधील प्रसिद्ध मॉडेल आणि बिझनेस वूमन आहे. नसीरुद्दीन शाह यांच्या थिएटर ग्रुपचाही ती एक भाग आहे.

लिन ही देखील लोकप्रिय अभिनेत्री असून ती अलीकडेच सुजॉय घोषच्या 'जाने जान' या चित्रपटात दिसली होती ती याशिवाय 'ओम शांती ओम', 'रंगून' आणि 'मेरी कॉम' या चित्रपटांमध्येही दिसली आहे.

रणदीपचं वर्कफ्रंट

रणदीपच्या वर्कफ्रंटबद्दल बोलायचं झालं तर तो 'तेरा क्या होगा लवली'मध्ये दिसणार आहे, ज्यात इलियाना डिक्रूझ मुख्य भूमिकेत आहे. याशिवाय तो वीर सावरकर यांच्या जीवनावरील स्वातंत्र वीर सावरकर या चित्रपटात दिसणार आहे.

त्याचबरोबर तो नीना गुप्ता, गुलशन ग्रोवर आणि संजय मिश्रा यांच्यासोबत 'पछत्तर का छोरा' मध्ये काम करणार आहे. याशिवाय तो 'लाल रंग 2' आणि 'मर्द' या चित्रपटातही दिसणार आहे.