मुंबई : कोणाच नशीब कधी बदलेल हे काही सांगता येणार नाही. एका रात्रीत स्टार बनलेल्या रानू मंडलसोबतही असचं काहीय झालं आहे. कोलकाता येथील रेल्वे स्टेशनवर गाण्याऱ्या रानू मंडलचा बॉलिवूड प्लेबॅक सिंगरपर्यंतचा प्रवास खरंच थक्क करणारा आहे.

रेल्वे स्टेशनवर लता मंगेशकर याचं गाणं गातानाचा त्यांचा एक व्हिडीओ इंटरनेटवर चांगलाच व्हायरल झाला होता. त्यानंतर प्रसिद्ध गायक हिमेश रेशमिया यांनी रानू यांना त्यांच्या सिनेमातील गाण्यासाठी ऑफर देऊ केली. आता तर तिनं एक नाही, तर दोन गाणी हिमेश रेशमियासाठी गायली आहेत. 

गायक हिमेश रेशमिया यांनीच मंडल यांना आणखी एका गाण्याची ऑफर दिली असून ते त्यांनी रेकॉर्डदेखील केले आहे. या गाण्याचा व्हिडीओ सध्या व्हायरल होण्यास सुरूवात झाली आहे.

रातोरात स्टार झालेल्या रानू यांना आतापर्यंत अनेक ऑफर आल्या आहेत. केवळ एका व्हिडीओने त्याचं आयुष्य बदललं. एवढच नाही तर व्हिडीओ व्हायरल झाल्यानंतर 10 वर्षांपासून दूर गेलेली त्यांची मुलगीदेखील परतली.