रस्त्यावर गाणं म्हणताना व्हायरल झालेली गायिका म्हणून रानू मंडलची ओळख आहे. त्यावेळी तिची खूप लोकांनी प्रशंसा केली होती. सोनू निगम याने तर तिला आपल्या स्टुडिओत गाणं गायची संधी सुद्धा दिली होती. त्याच्यानंतर ती सिलेब्रिटी झाली आणि तीच्यावर टीकाही झाली होती. नेटकऱ्यांनी तीला खूप ट्रोल केलं होतं. त्यानंतर ती आता एका वेगळ्या मूडमध्ये आपल्याला पहायला मिळत आहे. पश्चिम बंगालमधील शेंगा विक्रेता भुवनचे व्हायरल झालेले काचा बदाम हे गाणं गाताना ती व्हिडीओमध्ये दिसत आहे.

सध्या सोशल मीडियावर जोरदार चर्चेत असलेलं गाण म्हणजे काचा बदाम. हे गाण लोकांनी डोक्यावर घेतलं आहे. रानू मंडलने आता या गाण्यावर आपला आवाज लावला आहे. तीचा एक व्हिडीओ सध्या खूप व्हायरल होत आहे. ती लग्नातील नवरीच्या वेशात आहे आणि काचा बदाम हे गाणं गाताना आपल्याला दिसत आहे. हा व्हिडीओ कुणी शूट केला आहे याची माहिती अजून समोर आली नाही पण एका ट्वीटर अकाउंटवरुन हा व्हिडीओ शेअर करण्यात आला आहे.

दरम्यान या व्हिडीओवर सध्या लोकांच्या प्रतिक्रिया येत असून लोक तिला ट्रोल करताना आपल्याला पाहायला मिळत आहेत. तसेच खूप लोकांनी या व्हिडीओला शेअर केलं आहे.