Badshah and Mrunal Thakur spark dating rumours: बॉलिवूड सेलिब्रिटींच्या दिवाळी पार्टीचे अनेक फोटो आणि व्हिडिओ सोशल मिडियावर व्हायरल होत आहे. यातच आणखी एक व्हिडिओमुळे सोशल मिडियावर अनेक चर्चांना उधाण आले आहे. तो व्हिडिओ होता बॉलिवूड अभिनेत्री मृणाल ठाकूर आणि गायक बादशाह यांचा.

अलिकडेच दोघांनी शिल्पा शेट्टीच्या दिवाळी पार्टीला हजेरी लावली होती. यावेळी मृणालने बादशाहचा हात धरला होता आणि मृणाल ठाकूर आणि बादशाह दोघेही एकाच कारमधून बाहेर जाताना दिसले.

या व्हिडिओमुळे दोघे एकमेकांना डेट करत आहेत की काय अशा चर्चा सुरु होत आहे. आता मृणाल आणि बादशाह एकमेकांना डेट करत असल्याची चर्चा सुरु असली तरी मृणालने या अफवांवर मौन बाळगले आहे.

मात्र दुसरीकडे बादशाहने मात्र इंस्टाला स्टोरी शेयर करत या अफवांना आणखी हवा दिली आहे. बादशाहने त्याच्या इंस्टाग्राम अकाउंटवर पोस्ट करत लिहिले की, 'आता समजण्याचा प्रयत्न करा, नाणं फेकलं गेलं आहे' (तो समझने की कोशिश कर, सिक्का उछाला गया है). बादशाहची ही पोस्ट सध्या सोशल मीडियावर व्हायरल होत आहे.

तर दुसरीकडे मृणालने बादशाहसोबतचा एक फोटो शेअर केला होता. ज्यामध्ये ती बादशाह आणि शिल्पा शेट्टीसोबत पोज देताना दिसली होती. बादशाहनेही मृणालचा हा फोटो रिपोस्ट केला आहे.

वर्क फ्रंटबद्दल बोलायचे झाले तर मृणाल ठाकूर नुकतीच 'पिप्पा' या चित्रपटात दिसली आहे. आता ती हे नाना या साऊथ चित्रपटात दिसणार आहे.

तर बादशाह बद्दल बोलायचं झालं तर मृणालच्या आधी बादशाहचे नाव पंजाबी अभिनेत्री ईशा रिखीसोबतही जोडले गेले होते. बादशाहने 2012 मध्ये जास्मिन मसिहसोबत लग्न केले, पण 8 वर्षांनी त्यांचा घटस्फोट झाला. दोघांनाही एक मुलगी आहे.